호흡부호 보기
강세부호 보기
장단부호 보기
작은 Iota 보기
모든 부호 보기
καλεῖσθαι δ’ αὐτοὺσ ποικιλίασ. Νυμφόδωροσ δ’ ὁ Συρακόσιοσ ἐν τοῖσ Περίπλοισ ἐν τῷ Ἑλώρῳ ποταμῷ λάβρακασ εἶναί φησι καὶ ἐγχέλεισ μεγάλασ οὕτω τιθασοὺσ ὡσ ἐκ τῶν χειρῶν δέχεσθαι τῶν προσφερόντων ἄρτουσ, ἐγὼ δὲ ἐν τῇ κατὰ Χαλκίδα Ἀρεθούσῃ τεθέαμαι, ἴσωσ δὲ καὶ ὑμῶν οἱ πλεῖστοι, κεστρεῖσ χειροήθεισ καὶ ἐγχέλεισ ἐνώτια ἐχούσασ ἀργυρᾶ καὶ χρυσᾶ, λαμβανούσασ τε καὶ λαμβάνοντασ παρὰ τῶν προσφερόντων τροφὰσ τά τε ἀπὸ τῶν ἱερείων σπλάγχνα καὶ τυροὺσ χλωρούσ. Σῆμοσ δ’ ἐν ἕκτῳ Δηλιάδοσ Ἀθηναίοισ φησί, θυομένοισ ἐν Δήλῳ τὴν χέρνιβα βάψασ ὁ παῖσ προσήνεγκε κἀν τῇ φιάλῃ μετὰ τοῦ ὕδατοσ ἰχθῦσ κατέχεεν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기