Athenaeus, The Deipnosophists, Book 7, book 7, chapter 138

(아테나이오스, The Deipnosophists, Book 7, book 7, chapter 138)

Θρᾶιτται. ἐπεὶ δ’ ἐνταῦθα τοῦ λόγου ἐσμὲν προδιειλέγμεθά τε περὶ θρισσῶν, φέρε εἴπωμεν τίνεσ εἰσὶν αἱ παρὰ Ἀρχίππῳ ἐν Ἰχθύσι τῷ δράματι θρᾷτται. "ἀποδοῦναι δ’ ὅσα ἔχομεν ἀλλήλων, ἡμᾶσ μὲν τὰσ Θρᾴττασ καὶ Ἀθερίνην τὴν αὐλητρίδα καὶ Σηπίαν τὴν Θύρσου καὶ τοὺσ Τριγλίασ καὶ Εὐκλείδην τὸν ἄρξαντα καὶ Ἀναγυρουντόθεν τοὺσ Κορακίωνασ καὶ Κωβιοῦ τοῦ Σαλαμινίου τὸν τόκον καὶ Βάτραχον τὸν πάρεδρον τὸν ἐξ ’ Ὠρεοῦ. ἐν τούτοισ ἄν τισ ζητήσειε ποίασ θρᾴττασ παρὰ τοῖσ ἰχθύσιν εἶναι συμβέβηκεν, τοῖσ ἀποδοῦναι τοῖσ ἀνθρώποισ συντίθενται· ἐπεὶ οὖν ἰδίᾳ μοι συγγέγραπταί τι περὶ τούτου, αὐτὰ τὸ καιριώτατα νῦν λέξω. ἰχθύδιον οὖν ἐστιν ἀληθῶσ ἡ θρᾷττα θαλάττιον.

καὶ μνημονεύει αὐτοῦ Μνησίμαχοσ ἐν Ἱπποτρόφῳ ποιητὴσ δ’ ἐστὶν οὗτοσ τῆσ μέσησ κωμῳδίασ· λέγει δ’ οὕτωσ· μύλλοσ, λεβίασ, σπάροσ, αἰολίασ, θρᾷττα χελιδών, καρίσ, τευθίσ. Δωρόθεοσ δ’ ὁ Ἀσκαλωνίτησ ἐν τῷ ὀγδόῳ πρὸσ τοῖσ ἑκατὸν τῆσ λέξεων συναγωγῆσ θέτταν γράφει, ἤτοι ἡμαρτημένῳ περιτυχὼν τῷ δράματι ἢ διὰ τὸ ἀήθεσ τοῦ ὀνόματοσ αὐτὸσ διορθώσασ ἐξήνεγκεν. ὅλωσ δ’ οὐδ’ ἔστι τὸ τῆσ θέττησ ὄνομα παρὰ οὐδενὶ τῶν Ἀττικῶν, ὅτι δὲ θρᾷτταν ἔλεγον τὸ θαλάττιον ἰχθύδιον καὶ Ἀναξανδρίδησ παρίστησιν ἐν Λυκούργῳ λέγων οὕτωσ· καὶ συμπαίζει καριδαρίοισ μετὰ περκιδίων καὶ θρᾳττιδίων.

καὶ Ἀντιφάνησ ἐν Τυρρηνῷ· δήμου δ’ Ἁλαιεύσ ἐστιν. β. ἓν γὰρ τοῦτό μοι κατάλοιπόν ἐστιν, καὶ κακῶσ ἀκούσομαι. α. τί δῆτα τοῦτο; β. θρᾷτταν ἢ ψῆττὰν τιν’ ἢ μύραιναν ἢ κακὸν τί μοι δώσει μέγα θαλάττιον.

상위

The Deipnosophists, Book 7

목록

일치하는 문장이 없습니다.

SEARCH

MENU NAVIGATION