Athenaeus, The Deipnosophists, Book 7, book 7, chapter 98

(아테나이오스, The Deipnosophists, Book 7, book 7, chapter 98)

Ὄρκυνοσ. Δωρίων ἐν τῷ περὶ ἰχθύων τοὺσ ὀρκύνουσ ἐκ τῆσ περὶ ̔ Ἡρακλέουσ στήλασ θαλάσσησ περαιουμένουσ εἰσ τὴν καθ’ ἡμᾶσ ἔρχεσθαι θάλασσαν διὸ καὶ πλείστουσ ἁλίσκεσθαι ἐν τῷ Ἰβηρικῷ καὶ Τυρρηνικῷ πελάγει· κἀντεῦθεν κατὰ τὴν ἄλλην θάλασσαν διασκίδνασθαι. Ἱκέσιοσ δὲ τοὺσ μὲν ἐν Γαδείροισ ἁλισκομένουσ πιμελεστέρουσ εἶναι, μετὰ δὲ τούτουσ τοὺσ ἐν Σικελίᾳ. τοὺσ δὲ πόρρω ̔ Ἡρακλείων στηλῶν ἀλιπεῖσ διὰ τὸ πλείονα τόπον ἐκνενῆχθαι. ἐν Γαδείροισ μὲν οὖν τὰ κλειδία καθ’ αὑτὰ ταριχεύεται, ὡσ καὶ τῶν ἀντακαίων αἱ γνάθοι καὶ οὐρανίσκοι καὶ οἱ λεγόμενοι μελανδρύαι ἐξ αὐτῶν ταριχεύονται. Ἱκέσιοσ δέ φησι τὰ ὑπογάστρια αὐτῶν λιπαρὰ ὑπάρχοντα τῇ εὐστομίᾳ πολὺ διαλλάσσειν τῶν ἄλλων μερῶν, τὰ δὲ κλειδία εὐστομώτερα εἶναι τούτων.

상위

The Deipnosophists, Book 7

목록

일치하는 문장이 없습니다.

SEARCH

MENU NAVIGATION