Athenaeus, The Deipnosophists, Book 7, book 7, chapter 60

(아테나이오스, The Deipnosophists, Book 7, book 7, chapter 60)

ἑψητόσ. ἐπὶ τῶν λεπτῶν ἰχθυδίων. Ἀριστοφάνησ ἐν Ἀναγύρῳ· οὐχ ἑψητῶν λοπάσ ἐστιν. Ἄρχιπποσ Ἰχθύσι· καὶ τὴν μὲν ἀφύην καταπέπωκεν ἐντυχὼν ἑψητόσ. Εὔπολισ Αἰξὶν ὦ Χάριτεσ, αἷσι μέλουσιν ἑψητοί. Εὔβουλοσ ἐν Προσουσίᾳ ἢ Κύκνῳ · ἀγαπῶν τε κἂν ἑψητὸν ἐν τεύτλοισ ἕνα διὰ δωδεκάτησ ἑψόμενον ἡμέρασ ἴδῃ. Ἄλεξισ ἐν Ἀπεγλαυκωμένῳ· καὶ γὰρ ἑψητοί τινεσ παρῆσαν ἡμῖν δαιδαλεῖοί πωσ. τὰ γὰρ καλὰ πάντα Δαιδάλου καλοῦσιν ἔργα.

καὶ πάλιν τῶν οὖν κορακίνων πεῖραν οὐχὶ λαμβάνεισ οὐδὲ τριχίδων οὐδ’ οἱο͂ν ἑψητῶν τινῶν; πληθυντικῶσ δὲ λέγουσιν ἑψητοὺσ κατὰ τὸ πλεῖστον. Ἀριστοφάνησ Δράμασιν ἢ Νιόβῳ· οὐδὲν μὰ Δί’ ἐρῶ λοπάδοσ ἑψητῶν. Μένανδροσ Περινθίᾳ· τὸ παιδίον δ’ εἰσῆλθεν ἑψητοὺσ φέρον. ἑνικῶσ δὲ Νικόστρατοσ ἐν Ἡσιόδῳ· βεμβράδ’, ἀφύην, ἑψητόν. Ποσείδιπποσ Ἀποκλειομένῃ· ἑψητὸν ἀγοράζειν τινά. ἐν δὲ τῇ ἐμῇ Ναυκράτει ἑψητοὺσ καλοῦσιν ἰχθύδια ὑπολειπόμενα ἐν ταῖσ διώρυξιν, ὅταν ὁ Νεῖλοσ ὑποπαύηται τῆσ πληρώσεωσ.

상위

The Deipnosophists, Book 7

목록

일치하는 문장이 없습니다.

SEARCH

MENU NAVIGATION