Athenaeus, The Deipnosophists, Book 7, book 7, chapter 50

(아테나이오스, The Deipnosophists, Book 7, book 7, chapter 50)

ἔγχελυσ. τῶν θαλασσίων ἐγχέλεων μνημονεύει Ἐπίχαρμοσ ἐν Μούσαισ· Δωρίων δ’ ἐν τῷ περὶ ἰχθύων μνημονεύων καὶ τῶν ἀπὸ τῆσ Κωπαΐδοσ τὰσ Κωπαΐδασ ἐπαινεῖ γίνονται δ’ αὗται ὑπερμεγέθεισ, φησὶ γοῦν Ἀγαθαρχίδησ ἐν ἕκτῃ Εὐρωπιακῶν τὰσ ὑπερφυεῖσ τῶν Κωπαΐδων ἐγχέλεων ἱερείων τρόπον στεφανοῦντασ καὶ κατευχομένουσ οὐλὰσ τ’ ἐπιβάλλοντασ θύειν τοῖσ θεοῖσ τοὺσ Βοιωτούσ· καὶ πρὸσ τὸν ξένον τὸν διαποροῦντα τὸ τοῦ ἔθουσ παράδοξον καὶ πυνθανόμενον ἓν μόνον εἰδέναι φῆσαι τὸν Βοιωτὸν φάσκειν τε ὅτι δεῖ τηρεῖν τὰ προγονικὰ νόμιμα καὶ ὅτι μὴ καθήκει τοῖσ ἄλλοισ ὑπὲρ αὐτῶν ἀπολογίζεσθαι. θαυμάζειν εἰ ἱερείων τρόπον ἐγχέλεισ θύονται, ὁπότε καὶ Ἀντίγονοσ ὁ Καρύστιοσ ἐν τῷ περὶ λέξεωσ τοὺσ Ἁλαιέασ λέγει θυσίαν ἐπιτελοῦντασ τῷ Ποσειδῶνι ὑπὸ τὴν τῶν θύννων ὡρ́αν, ὅταν εὐαγρήσωσι, θύειν τῷ θεῷ τὸν πρῶτον ἁλόντα θύννον, καὶ τὴν θυσίαν ταύτην καλεῖσθαι θυνναῖον.

상위

The Deipnosophists, Book 7

목록

일치하는 문장이 없습니다.

SEARCH

MENU NAVIGATION