Athenaeus, The Deipnosophists, Book 7, book 7, chapter 28

(아테나이오스, The Deipnosophists, Book 7, book 7, chapter 28)

βεμβράδεσ. Φρύνιχοσ Τραγῳδοῖσ· ὦ χρυσοκέφαλοι βεμβράδεσ θαλάσσιαι. Ἐπίχαρμοσ ἐν Ἥβασ γάμῳ βαμβραδόνασ αὐτὰσ καλεῖ· βαμβραδόνεσ τε καὶ κίχλαι, λαγοί, δράκοντεσ τ’ ἄλκιμοι. καὶ Σώφρων ἐν ἀνδρείοισ· "βαμβραδόνι τραφερᾷ. Νουμήνιοσ δ’ ἐν Ἁλιευτικῷ· ἠβαιῇ καρῖδι καὶ εἴ ποτε βεμβράδι, κείνῃ ζωῇ ἔπ’ ἀγρώσσοισ, τάδε δὴ σκέψαιο δέλετρα. Δωρίων δ’ ἐν τῷ περὶ ἰχθύων φησί· "βεμβράδα ἀποκεφαλίσασ, ἐὰν ᾖ ἁδροτέρα, καὶ ἀποπλύνασ ἁλὶ λεπτῷ καὶ ὕδατι, ἕψε τὸν αὐτὸν τρόπον τῇ τριγλίτιδι. γίνεται δέ, φησίν, ἐκ μόνησ τῆσ βεμβράδοσ σκευασία τισ ἡ προσαγορευομένη βεμβραφύη· ὧν μνημονεύει Ἀριστώνυμοσ ἐν Ἡλίῳ ῥιγῶντι· ὃ γέ τοι Σικελὸσ ταῖσ μεμβραφύαισ προσέοικεν ὁ καρκινοβήτησ.

Ἀττικοὶ δ’ ὅμωσ βεμβράδασ λέγουσιν. Ἀριστομένησ Γόησι· βεμβράδασ φέρων ὀβολοῦ. Ἀριστώνυμοσ Ἡλίῳ ῥιγῶντι· οὔτ’ ἀφύη νῦν ἔστ’ ἔθ’ ἁπλῶσ οὔτ’ αὖ βεμβρὰσ κακοδαίμων. Ἀριστοφάνησ Γήρᾳ· ταῖσ πολιόχρωσι βεμβράσιν τεθραμμένη. Πλάτων Πρέσβεσιν Ἡράκλεισ, τῶν βεμβράδων. ἐν δὲ ταῖσ Εὐπόλιδοσ Αἰξὶν ἔστιν εὑρεῖν καὶ διὰ τοῦ μ γραφόμενον. Ἀντιφάνησ δ’ ἐν Κνοιθιδεῖ· ἄτοπά γε κηρύττουσιν ἐν τοῖσ ἰχθύσι κηρύγμαθ’, οὗ καὶ νῦν τισ ἐκεκράγει μέγα μέλιτοσ γλυκυτέρασ μεμβράδασ φάσκων ἔχειν. εἰ τοῦτο τοιοῦτ’ ἐστίν, οὐδὲν κωλύει τοὺσ μελιτοπώλασ αὖ λέγειν βοᾶν θ’ ὅτι πωλοῦσι τὸ μέλι σαπρότερον τῶν μεμβράδων. καὶ Ἄλεξισ δ’ ἐν Χορηγίδι διὰ τοῦ μ εἴρηκεν ὃσ τοῖσ τετραδισταῖσ μὲν παρέθηκεν ἐσθίειν πρώην λέκιθον καὶ μεμβράδασ καὶ στέμφυλα. ἐν δὲ Πρωτοχόρῳ, ἐπιπονώτερον ἔργον μὰ τὸν Διόνυσον οὐκ εἴληφ’ ἐγὼ ἀφ’ οὗ παρασιτῶ, ὁ μεμβράδασ μοι κρεῖττον ἦν ἔχειν μετ’ Ἀττικιστὶ δυναμένου λαλεῖν.

ὀνησιφόρον ἦν τοῦτο.

상위

The Deipnosophists, Book 7

목록

일치하는 문장이 없습니다.

SEARCH

MENU NAVIGATION