Athenaeus, The Deipnosophists, Book 7, book 7, chapter 7

(아테나이오스, The Deipnosophists, Book 7, book 7, chapter 7)

ὁ δὲ ὀψοδαίδαλοσ Ἀρχέστρατοσ ἐν τῇ Γαστρολογίᾳ οὕτωσ γὰρ ἐπιγράφεσθαί φησι Λυκόφρων ἐν τοῖσ περὶ κωμῳδίασ ὡσ τὴν Κλεοστράτου τοῦ Τενεδίου Ἀστρολογίαν̓ περὶ τῆσ ἀμίασ φησὶν οὕτωσ τὴν δ’ ἀμίαν φθινοπώρου, ὅταν πλειὰσ καταδύνῃ, πάντα τρόπον σκεύαζε, τί σοι τάδε μυθολογεύω; οὐ γὰρ μὴ σὺ διαφθείρῃσ οὐδ’ ἂν ἐπιθυμῇσ. εἰ δ’ ἐθέλεισ καὶ τοῦτο δαήμεναι, ὦ φίλε Μόσχε, ὅντινα χρή σε τρόπον κείνην διαθεῖναι ἄριστα, ἐν συκῆσ φύλλοισ καὶ ὀριγάνῳ οὐ μάλα πολλῇ· μὴ τυρόν, μὴ λῆρον·

ἁπλῶσ δ’ οὕτωσ θεραπεύσασ ἐν συκῆσ φύλλοισ σχοίνῳ κατάδησον ἄνωθεν, εἶθ’ ὑπὸ θερμὴν ὦσον ἔσω σποδόν, ἐν φρεσὶ καιρὸν γιγνώσκων ὁπότ’ ἔστ’ ὀπτή, καὶ μὴ κατακαύσῃσ. ἔστω δ’ αὕτη σοι Βυζαντίου ἐξ ἐρατεινοῦ, εἴπερ ἔχειν ἀγαθὴν ἐθέλεισ, κἂν ἐγγὺσ ἁλῷ που τοῦδε τόπου, κεδνὴν λήψει· τηλοῦ δὲ θαλάσσησ Ἑλλησποντιάδοσ χείρων, κἂν κλεινόν· ἀμείψῃσ Αἰγαίου πελάγουσ ἔναλον πόρον, οὐκ ἔθ’ ὁμοία γίγνεται, ἀλλὰ καταισχύνει τὸν πρόσθεν ἔπαινον.

상위

The Deipnosophists, Book 7

목록

일치하는 문장이 없습니다.

SEARCH

MENU NAVIGATION