호흡부호 보기
강세부호 보기
장단부호 보기
작은 Iota 보기
모든 부호 보기
ὅτι δὲ τοὺσ ἀσώτουσ καὶ τοὺσ μὴ ἔκ τινοσ περιουσίασ ζῶντασ τὸ παλαιὸν ἀνεκαλοῦντο οἱ Ἀρεοπαγῖται καὶ ἐκόλαζον, ἱστόρησαν Φανόδημοσ καὶ Φιλόχοροσ ἄλλοι τε πλείουσ. Μενέδημον γοῦν καὶ Ἀσκληπιάδην τοὺσ φιλοσόφουσ νέουσ ὄντασ καὶ πενομένουσ μεταπεμψάμενοι ἠρώτησαν πῶσ ὅλασ τὰσ ἡμέρασ τοῖσ φιλοσόφοισ συσχολάζοντεσ, κεκτημένοι δὲ μηδέν, εὐεκτοῦσιν οὕτω τοῖσ σώμασι· τῶν μυλωθρῶν.
ἐλθόντοσ δ’ ἐκείνου καὶ εἰπόντοσ ὅτι νυκτὸσ ἑκάστησ κατιόντεσ εἰσ τὸν μυλῶνα καὶ ἀλοῦντεσ δύο δραχμὰσ ἀμφότεροι λαμβάνουσι, θαυμάσαντεσ οἱ Ἀρεοπαγῖται διακοσίαισ δραχμαῖσ ἐτίμησαν αὐτούσ. καὶ Δημόκριτον δ’ Ἀβδηρῖται δημοσίᾳ κρίνοντεσ ὡσ κατεφθαρκότα τὰ πατρῷα, ἐπειδὴ ἀναγνοὺσ αὐτοῖσ τὸν μέγαν διάκοσμον καὶ τὰ περὶ τῶν ἐν Αἵδου εἰπὼν εἰσ ταῦτα ἀνηλωκέναι, ἀφείθη.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기