헬라어 문장 검색 - ΑτηενάΤηεΔειπ

(아테나이오스, The Deipnosophists, Book 4, book 4, chapter 42)

"παρὰ Ἀντιόχῳ, φησί, τῷ βασιλεῖ τῷ μεγάλῳ προσαγορευθέντι ἐν τῷ δείπνῳ πρὸσ ὅπλα ὠρχοῦντο οὐ μόνον οἱ βασιλέωσ φίλοι, ἀλλὰ καὶ αὐτὸσ ὁ βασιλεύσ, ἐπεὶ δὲ καὶ εἰσ Ἡγησιάνακτα τὸν Ἀλεξανδρέα ἀπὸ Τρῳάδοσ τὸν τὰσ ἱστορίασ γράψαντα ἡ τῆσ ὀρχήσεωσ τάξισ ἐγένετο, ἀναστὰσ εἶπε· "’ πότερον, ὦ βασιλεῦ, κακῶσ ὀρχούμενόν ἐμὲ θεάσασθαι βούλει ἢ καλῶσ ἀπαγγέλλοντόσ μου ἴδια ποιήματα θέλεισ ἀκροάσασθαι; "’ κελευσθεὶσ οὖν λέγειν οὕτωσ ἧσε τὸν βασιλέα ὥστ’ ἐράνου τε ἀξιωθῆναι καὶ τῶν φίλων εἷσ γενέσθαι. Δοῦρισ δ’ ὁ Σάμιοσ ἐν τῇ τῶν ἱστοριῶν ιζ Πολυσπέρχοντά φησιν εἰ μεθυσθείη καίτοι πρεσβύτερον ὄντα ὀρχεῖσθαι, οὐδενὸσ Μακεδόνων ὄντα δεύτερον οὔτε κατὰ τὴν στρατηγίαν οὔτε κατὰ τὴν ἀξίωσιν, καὶ ἐνδυόμενον αὐτὸν κροκωτὸν καὶ ὑποδούμενον Σικυώνια διατελεῖν ὀρχούμενον.

Ἀγαθαρχίδησ δ’ ὁ Κνίδιοσ ἐν ὀγδόῃ Ἀσιατικῶν ἱστορεῖ ὡσ οἱ ἑστιῶντεσ Ἀλέξανδρον τὸν Φιλίππου τῶν φίλων τὸ μέλλον παρατεθήσεσθαι τῶν τραγημάτων περιεχρύσουν· ὅτε δὲ θέλοιεν ἀναλίσκειν, περιελόντεσ τὸν χρυσὸν ἅμα τοῖσ ἄλλοισ ἐξέβαλλον, ἵνα τῆσ μὲν πολυτελείασ οἱ φίλοι θεαταὶ γίνωνται, οἱ δ’ οἰκέται κύριοι, ἐπιλελησμένοι δ’ ἦσαν οὗτοι, ὡσ καὶ Δοῦρισ ἱστορεῖ, ὅτι καὶ Φίλιπποσ ὁ τοῦ Ἀλεξάνδρου πατήρ ποτήριον χρυσοῦν ὁλκὴν ἄγον πεντήκοντα δραχμὰσ κεκτημένοσ τοῦτο ἐλάμβανε κοιμώμενοσ ἀεὶ καὶ πρὸσ κεφαλὴν αὑτοῦ κατετίθετο.

Σέλευκοσ δὲ Θρᾳκῶν φησί τινασ ἐν τοῖσ συμποσίοισ ἀγχόνην παίζειν βρόχον ἀρτήσαντασ ἔκ τινοσ ὕψουσ,1 πρὸσ ὃν κατὰ κάθετον ὑποτίθεσθαι λίθον εὐπερίτρεπτον τοῖσ ἐπιβαίνουσι.

διαλαγχάνειν οὖν αὐτοὺσ καὶ τὸν λαχόντα ἔχοντα δρεπάνιον ἐπιβαίνειν τῷ λίθῳ καὶ τὸν τράχηλον εἰσ τὸν βρόχον ἐντιθέναι· παρερχόμενον δὲ ἄλλον ἐγείρειν τὸν λίθον καὶ ὁ κρεμάμενοσ ὑποτρέχοντοσ τοῦ λίθου, ἐὰν μὴ ταχὺ φθάσασ ἀποτέμῃ τῷ δρεπάνῳ, τέθνηκε, καὶ οἱ ἄλλοι γελῶσι παιδιὰν ἔχοντεσ τὸν ἐκείνου θάνατον ταῦτ’ εἰπεῖν εἶχον, ἄνδρεσ φίλοι καὶ συμπόται τῶν Ἑλλήνων πολὺ. πρῶτοι, περὶ ἀρχαίων συμποσίων ἐπιστάμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Athenaeus, The Deipnosophists, Book 4, book 4, chapter 42

(아테나이오스, The Deipnosophists, Book 4, book 4, chapter 42)

상위

목록

SEARCH

MENU NAVIGATION