호흡부호 보기
강세부호 보기
장단부호 보기
작은 Iota 보기
모든 부호 보기
Ἕρμιπποσ ’ ἐν α περὶ νομοθετῶν τῶν μονομαχούντων εὑρετὰσ ἀποφαίνει Μαντινεῖσ Δημώνακτοσ ἑνὸσ τῶν πολιτῶν συμβουλεύσαντοσ, καὶ ζηλωτὰσ τούτων γενέσθαι Κυρηναίουσ. "ἤσκουν, φησί, τὰ πολεμικὰ οἱ Μαντινεῖσ καὶ Ἀρκάδεσ, τήν τε στολὴν τὴν πολεμικὴν καὶ τὴν ὅπλισιν τὴν ἀρχαίαν ὡσ εὑρόντων ἐκείνων ἔτι καὶ νῦν Μαντινικὴν ἀποκαλοῦσι. "πρὸσ δὲ τούτοισ καὶ ὁπλομαχίασ μαθήσεισ ἐν Μαντινείᾳ πρῶτον εὑρέθησαν Δημέου τὸ τέχνημα καταδείξαντοσ. ὅτι δὲ ἀρχαῖον ἦν τὸ περὶ τοὺσ μονομάχουσ καὶ Ἀριστοφάνησ εἴρηκεν ἐν Φοινίσσαισ οὕτωσ·
ἐσ Οἰδίπου δὲ παῖδε,1 διπτύχω κόρω, Ἄρησ κατέσκηψ’, ἔσ τε μονομάχου πάλησ ἀγῶνα νῦν ἑστᾶσιν. ἐοίκεν δὲ πεποιῆσθαι τὸ ὄνομα οὐκ ἐκ τοῦ μάχη, ἀλλ’ ἐκ ῥήματοσ τοῦ μάχεσθαι μᾶλλον συγκεῖσθαι. παρὰ Πινδάρῳ, τηνικαῦτα προπαροξύνεται·
παρὰ Στησιχόρῳ, ὁπλομάχοσ, τειχομάχοσ, πυργομάχοσ. ὁ δὲ κωμῳδιοποιὸσ Ποσείδιπποσ ἐν Πορνοβοσκῷ φησιν ὁ μὴ πεπλευκὼσ οὐδὲν ἑόρακεν κακὸν τῶν μονομαχούντων ἐσμὲν ἀθλιώτεροι. ὅτι δὲ καὶ οἱ ἔνδοξοι καὶ οἱ ἡγεμόνεσ ἐμονομάχουν καὶ ἐκ προκλήσεωσ τοῦτ’ ἐποίουν ἐν ἄλλοισ εἰρήκαμεν.
Δίυλλοσ δ’ ὁ Ἀθηναῖοσ ἐν τῇ ἐνάτῃ τῶν ἱστοριῶν φησιν ὡσ Κάσανδροσ ἐκ Βοιωτίασ ἐπανιὼν καὶ θάψασ τὸν βασιλέα καὶ τὴν βασίλισσαν ἐν Αἰγαίαισ καὶ μετ’ αὐτῶν τὴν Κύνναν τὴν Εὐρυδίκησ μητέρα καὶ τοῖσ ἄλλοισ τιμήσασ οἷσ προσήκει καὶ μονομαχίασ ἀγῶνα ἔθηκεν, εἰσ ὃν κατέβησαν τέσσαρεσ τῶν στρατιωτῶν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기