Athenaeus, The Deipnosophists, Book 3, book 3, chapter 72

(아테나이오스, The Deipnosophists, Book 3, book 3, chapter 72)

ἐπὶ τούτοισ οὐχ ἡσθεὶσ ὁ Οὐλπιανόσ, ἀνιαθεὶσ δέ, ἀποβλέψασ ὡσ ἡμᾶσ καὶ τὰ ἐξ Ὀρθάννου Εὐβούλου ἰαμβεῖα εἰπών· ὡσ εὖ νεναυάγηκεν ἐπὶ τοῦ τηγάνου ὁ θεοῖσιν ἐχθρὸσ Μυρτίλοσ· ὅτι γὰρ οὐδὲν τούτων πριάμενόσ ποτε ἔφαγεν εὖ οἶδα, τῶν τινοσ οἰκετῶν αὐτοῦ εἰπόντοσ μοί ποτε τὰ ἐκ Πορνοβοσκοῦ Εὐβούλου ἰαμβεῖα τάδε · τρέφει με Θετταλόσ τισ ἄνθρωποσ βαρύσ, πλουτῶν, φιλάργυροσ δὲ κἀλιτήριοσ, ὀψοφάγοσ, ὀψωνῶν δὲ μέχρι τριωβόλου. ἐπεὶ δὲ πεπαιδευμένοσ ἦν ὁ νεανίσκοσ καὶ οὐχὶ παρὰ τῷ Μυρτίλῳ γε, ἀλλὰ παρὰ ἄλλῳ τινί, ὡσ ἐπυνθανόμην αὐτοῦ πῶσ εἰσ τὸν Μυρτίλον ἐνέπεσεν, ἔφη μοι τὰ ἐκ Νεοττίδοσ Ἀντιφάνουσ τάδε·

παῖσ ὢν μετ’ ἀδελφῆσ εἰσ Ἀθήνασ ἐνθάδε ἀφικόμην ἀχθεὶσ ὑπό τινοσ ἐμπόρου, Σύροσ τὸ γένοσ ὤν. τοιοῦτοσ οἱο͂σ μηδὲν εἰσ τὴν οἰκίαν, μηδ’ ὧν ὁ Πυθαγόρασ ἐκεῖνοσ ἤσθιεν ὁ τρισμακαρίτησ, εἰσφέρειν ἔξω θύμου.

일치하는 문장이 없습니다.

SEARCH

MENU NAVIGATION