호흡부호 보기
강세부호 보기
장단부호 보기
작은 Iota 보기
모든 부호 보기
Ταγηνιστῶν δ’ ἰχθύων μνημονεύει Ἄλεξισ ἐν Δημητρίῳ καθάπερ κἀν τῷ προκειμένῳ δράματι. Εὔβουλοσ Ὀρθάννῃ· πᾶσα δ’ εὔμορφοσ γυνὴ ἐρῶσα φοιτᾷ τηγάνων τε σύντροφα τριβαλλοποπανόθρεπτα μειρακύλλια, ὁμοῦ δὲ τευθὶσ καὶ Φαληρικὴ κόρη σπλάγχνοισιν ἀρνείοισι συμμεμιγμένη πηδᾷ, χορεύει, πῶλοσ ὣσ ἀπὸ ζυγοῦ. ῥιπὶσ δ’ ἐγείρει φύλακασ ̔ Ἡφαίστου κύνασ θερμῇ παροξύνουσα τηγάνου πνοῇ· ὀσμὴ δὲ πρὸσ μυκτῆρασ ἠρεθισμένη ᾄσσει· μεμαγμένη δὲ Δήμητροσ κόρη κοίλη φάραγγοσ δακτύλου πιέσματι σύρει τριήρουσ ἐμβολὰσ μιμουμένη, δείπνου πρόδρομον ἄριστον.
ἤσθιον δὲ καὶ ταγηνιστὰσ σηπίασ. Νικόστρατοσ ἢ Φιλέταιροσ ἐν Ἀντύλλῳ φησὶν οὔποτ’ ἂν αὖθισ αὖ σηπίαν ἀπὸ τηγάνου τολμήσαιμι φαγεῖν μόνοσ. ̔ Ἡγήμων δ’ ἐν Φιλίννῃ καὶ γόνον ἐκ ταγήνου ἐσθίοντασ ποιεῖ ἐν τούτοισ· μἀλλὰ ταχέωσ ἰὼν πρίω μοι πουλύπουν καὶ δὸσ καταφαγεῖν κἀπὸ τηγάνου γόνον.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기