Athenaeus, The Deipnosophists, Book 15, book 15, chapter 27

(아테나이오스, The Deipnosophists, Book 15, book 15, chapter 27)

στεφανωματικὰ δὲ ἄνθη καταλέγει Θεόφραστοσ τάδε· "ἰόν,1 Διὸσ ἄνθοσ, ἴφυον, φλόγα, ἡμεροκαλλέσ. πρῶτόν τε τῶν ἀνθέων ἐκφαίνεσθαί φησιν τὸ λευκόιον, ἅμα δὲ αὐτῷ καὶ τὸ φλόγινον καλούμενον τὸ ἄγριον, ἔπειτα νάρκισσον καὶ λείριον καὶ τῶν ἀγρίων ἀνεμώνησ· "γένοσ τὸ καλούμενον ὄρειον καὶ τὸ τοῦ βολβοῦ κώδυον. "συμπλέκουσι γὰρ καὶ τοῦτ’ ἔνιοι εἰσ τοὺσ στεφάνουσ, ἐπὶ τούτοισ ἥ τε οἰνάνθη καὶ τὸ μέλαν ἰόν καὶ τῶν ἀγρίων ὅ τε ἑλίχρυσοσ καὶ τῆσ ἀνεμώνησ ἡ λειμωνία καλουμένη καὶ ξίφιον καὶ ὑάκινθοσ. "τὸ δὲ ῥόδον ὑστερεῖ τούτων καὶ τελευταῖον μὲν φαίνεται, πρῶτον δὲ παύεται, τὸ δὲ θερινὰ μᾶλλον, ἥ τε λυχνὶσ καὶ τὸ Διὸσ ἄνθοσ καὶ τὸ κρίνον καὶ τὸ ἴφυον καὶ ἀμάρακοσ ὁ Φρύγιοσ, ἔτι δὲ ὁ πόθοσ καλούμενοσ.

일치하는 문장이 없습니다.

SEARCH

MENU NAVIGATION