Ancient Greek Text

Athenaeus, The Deipnosophists, Book 14, book 14, chapter 66

(아테나이오스, The Deipnosophists, Book 14, book 14, chapter 66)

Μελανιππίδησ δ’ ὁ Μήλιοσ ἐν ταῖσ Δαναίσιν φοίνικασ τὸν καρπὸν οὕτωσ ὀνομάζει τὸν λόγον ποιούμενοσ περὶ αὐτῶν τῶν Δαναίδων· ου’ γὰρ ἀνθρώπων φόρευν μορφᾶεν εἶδοσ, ὁ οὐδὲ τὰν αὐδὰν γυναικείαν ἔχον ἀλλ’ ἐν ἁρμάτεσσι διφρούχοισ ἐγυμνάζοντ’ ἀν’ εὐήλι’ ἄλσεα πολλάκι θήραισ φρένα τερπόμεναι, πολλάκι δὲ ἱερόδακρυν λίβανον εὐώδεισ τε φοίνικασ κασίαν τε ματεῦσαι, τέρενα Συρίασ σπέρματα. καὶ Ἀριστοτέλησ ἐν τῷ περὶ Φυτῶν οὕτωσ· "φοινίκων ἀνόρχων, οὕσ τινεσ εὐνούχουσ καλοῦσιν, οἱ δ’ ἀπυρήνουσ. φοίνικα δὲ τὸν καρπὸν καὶ Ἑλλάνικοσ κέκληκεν ἐν τῇ εἰσ Ἄμμωνοσ Ἀναβάσει, εἰ γνήσιον τὸ σύγγραμμα, καὶ Φόρμοσ ὁ κωμικὸσ ἐν Ἀταλάνταισ. .

τῶν ἀπὸ τοῦ περιπάτου δ’ ὢν ὁ Νικόλαοσ καὶ ἱστορίαν συνέγραψεν, πολλήν.