Athenaeus, The Deipnosophists, Book 14, book 14, chapter 57

(아테나이오스, The Deipnosophists, Book 14, book 14, chapter 57)

Χρύσιπποσ δὲ ὁ Τυανεὺσ ἐν τῷ ἐπιγραφομένῳ Ἀρτοκοπικῷ εἴδη πλακούντων καὶ γένη τάδε ἀναγράφει· "Τερεντῖνον, Κρασσιανόν, Τουτιανόν, Σαβελλικὸν κλοῦστρον, Ιοὐλιανόν, Ἀπικιανόν, Κανωπικά, περλούκιδον, Καππαδοκικόν, ἡδύβια, μαρυπτόν, πλίκιον, γουττᾶτον, Μοντιανὸν· "τοῦτον, φησί, μάξεισ ἐξ οἴνου σκληρόν· "εἰ δέ σοι τυρίον παρέσται, ἥμισυ μάξεισ ἐξ οἴνου καὶ ἥμισυ ἐκ τυροῦ· "ἡδονικώτερον γὰρ γίνεται. "κλοῦστρον Κυριανόν, κλοῦστρον γουττᾶτον, κλοῦστρον Φαβωνιανόν. μουστάκια ἐξ οἰνομέλιτοσ, μουστάκια σησαμᾶτα, κλοῦστρον πούριον, γωσλωανιον, Παυλινιανόν. ἐκ τυροῦ δέ, φησί, γίνεται πλακουντηρὰ τάδε· "ἔγχυτοσ, σκριβλίτησ, σουβίτυλλοσ. "γίνεται δὲ καὶ ἐξ ἄλικοσ σουβίτυλλοσ. "σπῖρα· "καὶ οὗτοσ ἐκ τυροῦ γίνεται· "λούκουντλοι, ἀργυροτρύφημα, λίβοσ, κίρκλοσ λιξόλασ, κλουστροπλακοῦσ. γίνεται δέ, φησί, καὶ ὀρυζίτησ πλακοῦσ. ὁ δὲ φθοῖσ οὕτω γίγνεται· "τυρὸν ἐκπιέσασ τρῖβε καὶ ἐμβαλὼν ἐσ κόσκινον χάλκεον διήθει, εἶτ’ ἐπίβαλε μέλι καὶ σελίγνεωσ ἡμίναν καὶ συμμάλαξον εἰσ ἕν. κάτιλλοσ δὲ ὀρνᾶτοσ ὁ λεγόμενοσ παρὰ Ῥωμαίοισ οὕτωσ γίγνεται· "θρίδακασ πλύνασ ξέσον καὶ ἐμβαλὼν οἶνον εἰσ θυίαν τρῖβε τὰσ θρίδακασ, εἶτα τὸν χυλὸν ἐκπιέσασ σελίγνιον συμφύρασον αὐτῷ καὶ συμπεσεῖν ἐάσασ μετ’ ὀλίγον τρῖψον εὐτόνωσ, προσβαλὼν ὀλίγον στέατοσ χοιρείου καὶ πέπερι, καὶ πάλιν τρίψασ ἕλκυσον λάγανον καὶ λειάνασ ἐκτεμὼν κατάτεμνε καὶ ἕψε εἰσ ἔλαιον θερμότατον εἰσ ἠθμὸν βαλὼν τὰ κατακεκομμένα. "ἄλλα πλακούντων γένη· "ὀστρακίτησ, ἀττανῖται, ἄμυλον, τυροκόσκινον. "τυρὸν ἐκπίεσασ καλῶσ θὲσ εἰσ ἄγγοσ, εἶτ’ ἄνω κόσκινον χαλκοῦν ἐπιθεὶσ δίαγε τὸν τυρόν. ὅταν δὲ μέλλῃσ προσφέρειν, βάλε μέλιτοσ αὔταρκεσ ἐπάνω. "ὑποτυρίδεσ δὲ οὕτωσ γίνονται· "εἰσ γάλα βαλὼν μέλι ἐκπίεσον καὶ βάλε εἰσ σκεῦοσ καὶ ἐά παγῆναι. "ἐὰν δέ σοι παρῇ κοσκίνια μικρά, ἐπίβαλε εἰσ αὐτὰ τὸ σκεῦοσ, καὶ ἐά ἐκρεῖν τὸν ὀρόν. καὶ ὅταν σοὶ δόξῃ πεπηγέναι, ἄρασ τὸ σκεῦοσ μετάβαλε εἰσ ἀργύρωμα, καὶ ἔσται ἡ ὄψισ ἄνωθεν, ἐὰν δὲ μὴ ᾖ κοσκίνια, φλαβιλλίοισ καινοῖσ χρῶ, ἐν οἷσ τὸ πῦρ ῥιπίζεται· "τὴν γὰρ αὐτὴν ποιεῖ χρείαν. "κοπτοπλακοῦσ. ἐν Κρήτῃ δέ, φησίν, πλακουντάριον ποιοῦσιν ὅπερ ὀνομάζουσι γάστριν. "γίνεται δὲ οὕτωσ · "κάρυα Θάσια καὶ Ποντικὰ καὶ ἀμύγδαλα, ἔτι δὲ μήκων, ἃ φρύξασ θεράπευσον καλῶσ καὶ εἰσ θυίαν καθαρὰν τρῖψον ἐπιμελῶσ· "συμμίξασ τε τὴν ὀπώραν μάλαξον μέλιτι ἡψημένῳ, προσβαλὼν πέπερι πλέον καὶ μάλαξον γίνεται δὲ μέλαν διὰ τὴν μήκωνα. "διαπλατύνασ ποίησον τετράγωνον. "εἶτα σήσαμον λευκὸν τρίψασ μάλαξον μέλιτι ἡψημένῳ καὶ ἕλκυσον λαγάνια δύο καὶ ἓν θὲσ ὑποκάτω καὶ τὸ ἄλλο ἐπάνω, ἵνα τὸ μέλαν εἰσ μέσον γένηται, εὖ ῥύθμισόν τε αὐτό.

일치하는 문장이 없습니다.

SEARCH

MENU NAVIGATION