호흡부호 보기
강세부호 보기
장단부호 보기
작은 Iota 보기
모든 부호 보기
τοσαῦτα τοῦ Μασουρίου διεξελθόντοσ περιηνέχθησαν ἡμῖν καὶ αἱ δεύτεραι καλούμεναι τράπεζαι, πολλάκισ ἡμῖν διδόμεναι οὐ μόνον ταῖσ τῶν Κρονίων ἡμέραισ, ἐν αἷσ Ῥωμαίων παισὶν ἔθοσ ἐστὶν ἑστιᾶν τοὺσ οἰκέτασ, αὐτοὺσ τὰσ τῶν οἰκετῶν ἀναδεχομένουσ λειτουργίασ. Ἑλληνικὸν δὲ τοῦτο τὸ ἔθοσ· ἐν Κρήτῃ γοῦν τῇ τῶν Ἑρμαίων ἑορτῇ τὸ ὅμοιον γίνεται, ὥσ φησι Καρύστιοσ ἐν Ἰστορικοῖσ Ὑπομνήμασιν. εὐωχουμένων γὰρ τῶν οἰκετῶν οἱ δεσπόται ὑπηρετοῦσιν πρὸσ τὰσ διακονίασ, καὶ ἐν Τροιζῆνι δὲ μηνὶ Γεραιστίῳ· πανήγυρισ δὲ τότε γίνεται πολυήμεροσ, ἧσ ἐν μιᾷ οἱ δοῦλοι μετὰ τῶν πολιτῶν κοινῇ τε ἀστραγαλίζουσιν καὶ οἱ κύριοι τοὺσ δούλουσ ἑστιῶσιν, ὡσ ὁ αὐτόσ φησιν Καρύστιοσ Βήρωσοσ.
δ’ ἐν πρώτῳ Βαβυλωνιακῶν τῷ Λώῳ φησὶ μηνὶ ἑκκαιδεκάτῃ ἄγεσθαι ἑορτὴν Σάκαια προσαγορευομένην ἐν Βαβυλῶνι ἐπὶ ἡμέρασ πέντε, ἐν αἷσ ἔθοσ εἶναι ἄρχεσθαι τοὺσ δεσπότασ ὑπὸ τῶν οἰκετῶν ἀφηγεῖσθαί τε τῆσ οἰκίασ ἕνα αὐτῶν ἐνδεδυκότα στολὴν ὁμοίαν τῇ βασιλικῇ· ὃν καὶ καλεῖσθαι ζωγάνην. μνημονεύει τῆσ ἑορτῆσ καὶ Κτησίασ ἐν δευτέρῳ Περσικῶν. Κῷοι δὲ τοὐναντίον δρῶσιν, ὡσ ἱστορεῖ Μακαρεὺσ ἐν τρίτῳ Κῳακῶν· ὅταν γὰρ τῇ Ἥρᾳ θύωσιν, δοῦλοι οὐ παραγίνονται ἐπὶ τὴν εὐωχίαν.
διὸ καὶ Φύλαρχον εἰρηκέναι· Οὐρανίῃ μοῦνοι μὲν ἐλεύθεροι ἱεροεργοί, ἀνδράσι παρ’ κείνοισιν ἐλεύθερον ἆμαρ ἔχοντεσ δούλων δ’ οὔτισ πάμπαν ἐσέρχεται οὐδ’ ἠβαιόν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기