호흡부호 보기
강세부호 보기
장단부호 보기
작은 Iota 보기
모든 부호 보기
ἐγὼ δὲ ἔχων ἔτι πολλὰ λέγειν περὶ μουσικῆσ αὐλῶν ἀκούων βόμβου καταπαύσω τὸ πολυλογεῖν, τὰ ἐκ Φιλαύλου Φιλεταίρου ἐπειπών· ὦ Ζεῦ, καλὸν γ’ ἔστ’ ἀποθανεῖν αὐλούμενον. τούτοισ ἐν Αἵδου γὰρ μόνοισ ἐξουσία ἀφροδισιάζειν ἐστίν. οἱ δὲ τοὺσ τρόπουσ ῥυπαροὺσ ἔχοντεσ μουσικῆσ ἀπειρίᾳ εἰσ τὸν πίθον φέρουσι τὸν τετρημένον. μετὰ δὲ ταῦτα ζητήσεωσ γενομένησ περὶ σαμβύκησ ἔφη ὁ Μασούριοσ ὀξύφθογγον εἶναι μουσικὸν ὄργανον τὴν σαμβύκην διειλέχθαι τε περὶ αὐτοῦ Εὐφορίωνα τὸν ἐποποιὸν ἐν τῷ περὶ Ἰσθμίων, χρῆσθαι φήσασ αὐτῷ Πάρθουσ καὶ Τρωγλοδύτασ τετραχόρδῳ ὄντι ἱστορεῖν δὲ τοῦτο Πυθαγόραν ἐν τῷ περὶ τῆσ Ἐρυθρᾶσ Θαλάσσησ, καλεῖται δέ τι καὶ τῶν πολιορκητικῶν ὀργάνων σαμβύκη, οὗ τό τε σχῆμα καὶ τὴν κατασκευὴν ἀποδείκνυσι Βίτων ἐν τῷ πρὸσ Ἄτταλον περὶ Ὀργάνων. καὶ Ἀνδρέασ ὁ Πανορμίτησ ἐν τῷ τριακοστῷ τρίτῳ τῶν Σικελικῶν τῶν κατὰ πόλιν, ὡσ ἀπὸ δύο νεῶν προσάγοιτο τοῖσ τῶν ἐναντίων τείχεσι·
καλεῖσθαί τε σαμβύκην, ἐπειδὴ ὅταν ἐξαρθῇ γίνεται σχῆμα νεὼσ καὶ κλίμακοσ ἑνοποιούμενον ὅμοιον, δέ τί ἐστιν καὶ τὸ τῆσ σαμβακησ. μόσχοσ δ’ ἐν πρώτῳ Μηχανικῶν Ῥωμαικὸν εἶναι λέγει τὸ μηχάνημα καὶ Ἡρακλείδην τὸν Ταραντῖνον εὑρεῖν αὐτοῦ τὸ εἶδοσ.
"Μάρκελλοσ, φησί, δυσχρηστούμενοσ ἐν τῇ Συρακουσῶν πολιορκίᾳ ὑπὸ τῶν Ἀρχιμήδουσ κατασκευασμάτων ἔλεγεν ταῖσ μὲν ναυσὶν αὑτοῦ κυαθίζειν ἐκ θαλάσσησ Ἀρχιμήδην, τὰσ δὲ σαμβύκασ ῥαπιζομένασ ὥσπερ ἐκ πότου μετ’ αἰσχύνησ ἐκπεπτωκέναι.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기