Athenaeus, The Deipnosophists, Book 14, book 14, chapter 30

(아테나이오스, The Deipnosophists, Book 14, book 14, chapter 30)

ἐοίκεν δὲ ἡ γυμνοπαιδικὴ τῇ καλουμένῃ ἀναπάλῃ παρὰ τοῖσ παλαιοῖσ. γυμνοὶ γὰρ ὀρχοῦνται οἱ παῖδεσ πάντεσ, ἐνρύθμουσ φοράσ τινασ ἀποτελοῦντεσ καὶ σχήματά τινα τῶν χειρῶν κατὰ τὸ ἁπαλόν, ὥστ’ ἐμφαίνειν θεωρήματά τινα τῆσ παλαίστρασ καὶ τοῦ παγκρατίου, κινοῦντεσ ἐνρύθμωσ τοὺσ πόδασ, τρόποι δὲ αὐτῆσ οἵ τε ὠσχοφορικοὶ καὶ οἱ βακχικοί, ὥστε καὶ τὴν ὄρχησιν ταύτην εἰσ τὸν Διόνυσον ἀναφέρεσθαι. Ἀριστόξενοσ δέ φησιν ὡσ οἱ παλαιοὶ γυμναζόμενοι πρῶτον ἐν τῇ γυμνοπαιδικῇ εἰσ τὴν πυρρίχην ἐχώρουν πρὸ τοῦ εἰσιέναι εἰσ τὸ θέατρον. καλεῖται δ’ ἡ πυρρίχη καὶ χειρονομία, ἡ δ’ ὑπορχηματική ἐστιν ἐν ᾗ ᾄδων ὁ χορὸσ ὀρχεῖται. φησὶ γοῦν ὁ Βακχυλίδησ· οὐχ ἕδρασ ἔργον οὐδ’ ἀμβολᾶσ. καὶ Πίνδαροσ δέ φησιν Λάκαινα μὲν παρθένων ἀγέλα. ὀρχοῦνται δὲ ταύτην παρὰ τῷ Πινδάρῳ οἱ Λάκωνεσ, καὶ ἐστὶν ὑπορχηματικὴ ὄρχησισ ἀνδρῶν καὶ γυναικῶν κῶν. βέλτιστοι δέ εἰσι τῶν τρόπων οἵτινεσ καὶ ὀρχοῦνται. εἰσὶ δὲ οἵδε·

προσοδιακοί, ἀποστολικοὶ οὗτοι δὲ καὶ παρθένιοι καλοῦνται καὶ οἱ τούτοισ ὅμοιοι, τῶν γὰρ ὕμνων οἱ μὲν ὠρχοῦντο, οἱ δὲ οὐκ ὠρχοῦντο , ἢ τοὺσ εἰσ Ἀφροδίτην καὶ Διόνυσον, καὶ τὸν παιᾶνα δὲ ὁτὲ μὲν ὁτὲ δὲ οὔ. εἰσὶ δὲ καὶ παρὰ τοῖσ βαρβάροισ ὥσπερ καὶ παρὰ τοῖσ Ἕλλησι σπουδαῖαι καὶ φαῦλαι ὀρχήσεισ. ὁ μὲν κόρδαξ παρ’ Ἕλλησι φορτικόσ, ἡ δὲ ἐμμέλεια σπουδαία, καθάπερ καὶ ἡ παρὰ Ἀρκάσι κίδαρισ, παρὰ Σικυωνίοισ τε ὁ ἀλητήρ. ἐν πρώτῳ Συγκρίσεων, καὶ περὶ μὲν ὀρχήσεωσ τοσαῦτά μοι ἐπὶ τοῦ παρόντοσ λέλεκται.

일치하는 문장이 없습니다.

SEARCH

MENU NAVIGATION