호흡부호 보기
강세부호 보기
장단부호 보기
작은 Iota 보기
모든 부호 보기
Ἀμφίων δ’ ὁ Θεσπιεὺσ ἐν δευτέρῳ περὶ τοῦ ἐν Ἑλικῶνι Μουσείου ἄγεσθαί φησιν ἐν Ἑλικῶνι παίδων ὀρχήσεισ μετὰ σπουδῆσ, παρατιθέμενοσ ἀρχαῖον Ἐπίγραμμα τόδε· ἀμφότερ’, ὠρχεύμην τε καὶ ἐν Μώσαισ ἐδίδασκον ἄνδρασ· ὁ δ’ αὐλητὰσ ἦν Ἄνακοσ Φιαλεύσ. εἰμὶ δὲ Βακχιάδασ Σικυώνιοσ. ἦ ῥα θεοῖσι ταῖσ Σικυῶνι καλὸν τοῦτ’ ἀπέκειτο γέρασ. ου’ κακῶσ δὲ καὶ Καφισίασ ὁ αὐλητήσ, ἐπιβαλλομένου τινὸσ τῶν μαθητῶν αὐλεῖν μέγα καὶ τοῦτο μελετῶντοσ, πατάξασ εἶπεν οὐκ ἐν τῷ μεγάλῳ τὸ εὖ κείμενον εἶναι, ἀλλὰ ἐν τῷ εὖ τὸ μέγα. ἐστὶ δὲ καὶ τὰ τῶν ἀρχαίων δημιουργῶν ἀγάλματα τῆσ παλαιᾶσ ὀρχήσεωσ λείψανα· διὸ καὶ συνέστη τὰ κατὰ τὴν χειρονομίαν ἐπιμελεστέρωσ διὰ ταύτην τὴν αἰτίαν. ἐζήτουν γὰρ κἀν ταύτῃ κινήσεισ καλὰσ καὶ ἐλευθερίουσ, ἐν τῷ εὖ τὸ μέγα περιλαμβάνοντεσ· καὶ τὰ σχήματα μετέφερον ἐντεῦθεν εἰσ τοὺσ χορούσ, ἐκ δὲ τῶν χορῶν εἰσ τὰσ παλαίστρασ, καὶ γὰρ ἐν τῇ μουσικῇ κἀν τῇ τῶν σωμάτων ἐπιμελείᾳ περιεποιοῦντο τὴν ἀνδρείαν καὶ πρὸσ τὰσ ἐν τοῖσ ὅπλοισ κινήσεισ ἐγυμνάζοντο μετὰ ᾠδῆσ· ὅθεν ἐκινήθησαν αἱ καλούμεναι πυρρίχαι καὶ πᾶσ ὁ τοιοῦτοσ τρόποσ τῆσ ὀρχήσεωσ·
πολλαὶ γὰρ αἱ ὀνομασίαι αὐτῶν, ὡσ παρὰ Κρησὶν ὀρσίτησ καὶ ἐπικρήδιοσ. τὴν δ’ ἀπόκινον καλουμένην ὄρχησιν, ἧσ μνημονεύει Κρατῖνοσ ἐν Νεμέσει καὶ Κηφισόδωροσ ἐν Ἀμαζόσιν ’ι Ἀριστοφάνησ τ’ ἐν Κενταύρῳ καὶ ἄλλοι πλείονεσ, ὕστερον μακτρισμὸν ὠνόμασαν· ἣν καὶ πολλαὶ γυναῖκεσ ὠρχοῦντο, ἃσ καὶ μακτριστρίασ ὀνομαζομένασ οἶδα.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기