헬라어 문장 검색 - ΑτηενάΤηεΔειπ

(아테나이오스, The Deipnosophists, Book 14, book 14, chapter 19)

̔ Ἡρακλείδησ δ’ ὁ Ποντικὸσ ἐν τρίτῳ περὶ Μουσικῆσ οὐδ’ ἁρμονίαν φησὶ δεῖν καλεῖσθαι τὴν Φρύγιον, καθάπερ οὐδὲ τὴν Λύδιον. ἁρμονίασ γὰρ εἶναι τρεῖσ· τρία γὰρ καὶ γενέσθαι Ἑλλήνων γένη, Δωριεῖσ, Αἰολεῖσ, Ιὤνασ. οὐ μικρᾶσ οὖν οὔσησ διαφορᾶσ ἐν τοῖσ τούτων ἤθεσιν, Λακεδαιμόνιοι μὲν μάλιστα τῶν ἄλλων Δωριέων τὰ πάτρια διαφυλάττουσιν, Θεσσαλοὶ δὲ οὗτοι γάρ εἰσιν οἱ τὴν ἀρχὴν τοῦ γένουσ Αἰολεῦσιν μεταδόντεσ παραπλήσιον αἰεὶ ποιοῦνται τοῦ βίου τὴν ἀγωγὴν Ιὤνων δὲ τὸ πολὺ πλῆθοσ ἠλλοίωται διὰ τὸ συμπεριφέρεσθαι τοῖσ αἰεὶ δυναστεύουσιν αὐτοῖσ τῶν βαρβάρων, τὴν οὖν ἀγωγὴν τῆσ μελῳδίασ ἣν οἱ Δωριεῖσ ἐποιοῦντο Δώριον ἐκάλουν ἁρμονίαν ἐκάλουν δὲ καὶ Αἰολίδα ἁρμονίαν ἣν Αἰολεῖσ ᾖδον Ιἀστὶ δὲ τὴν τρίτην ἔφασκον ἣν ἤκουον ᾀδόντων τῶν Ιὤνων. ἡ μὲν οὖν Δώριοσ ἁρμονία τὸ ἀνδρῶδεσ ἐμφαίνει καὶ τὸ μεγαλοπρεπὲσ καὶ οὐ διακεχυμένον οὐδ’ ἱλαρόν, ἀλλὰ σκυθρωπὸν καὶ σφοδρόν, οὔτε δὲ ποικίλον οὔτε πολύτροπον. τὸ δὲ τῶν Αἰολέων ἦθοσ ἔχει τὸ γαῦρον καὶ ὀγκῶδεσ, ἔτι δὲ ὑπόχαυνον ὁμολογεῖ δὲ ταῦτα ταῖσ ἱπποτροφίαισ αὐτῶν καὶ ξενοδοχίαισ·

οὐ πανοῦργον δέ, ἀλλὰ ἐξηρμένον καὶ τεθαρρηκόσ. διὸ καὶ οἰκεῖὸν ἐστ’ αὐτοῖσ ἡ φιλοποσία καὶ τὰ ἐρωτικὰ καὶ πᾶσα ἡ περὶ τὴν δίαιταν ἄνεσισ. διόπερ ἔχουσι· τὸ τῆσ ὑποδωρίου καλουμένησ ἁρμονίασ ἦθοσ. αὕτη γάρ ἐστι, φησὶν ὁ Ἡρακλείδησ, ἣν ἐκάλουν Αἰολίδα, ὡσ καὶ Λᾶσοσ ὁ Ἑρμιονεὺσ ἐν τῷ εἰσ τὴν ἐν Ἑρμιόνι ὁ Δήμητρα Ὕμνῳ λέγων οὕτωσ· Δάματρα μέλπω Κόραν τε Κλυμένοι’ ἄλοχον, μελιβόαν ὕμνον ἀναγνέων Αἰολίδ’ ἀνὰ βαρύβρομον ἁρμονίαν. ταῦτα δ’ ᾄδουσιν πάντεσ ὑποδώρια τὰ μέλη.

ἐπεὶ οὖν τὸ μέλοσ ἐστὶν ὑποδώριον, εἰκότωσ Αἰολίδα φησὶν εἶναι τὴν ἁρμονίαν ὁ Λᾶσοσ. καὶ Πρατίνασ δὲ πού φησι· μήτε σύντονον δίωκε μήτε τὰν ἀνειμέναν Ιἀστὶ μοῦσαν, ὁ ἀλλὰ τὰν μέσαν νεῶν ἄρουραν αἰόλιζε τῷ μέλει. ἐν δὲ τοῖσ ἑξῆσ σαφέστερόν φησιν πρέπει τοι πᾶσιν ἀοιδὰ λαβράκταισ Αἰολὶσ ἁρμονία. πρότερον μὲν οὖν, ὡσ ἔφην, Αἰολίδα αὐτὴν ἐκάλουν, ὕστερον δ’ ὑποδώριον, ὥσπερ ἔνιοί φασιν, ἐν τοῖσ αὐλοῖσ τετάχθαι νομίσαντεσ αὐτὴν ὑπὸ τὴν Δώριον ἁρμονίαν. ἐμοὶ δὲ δοκεῖ ὁρῶντασ αὐτοὺσ τὸν ὄγκον καὶ τὸ προσποίημα τῆσ καλοκἀγαθίασ ἐν τοῖσ τῆσ ἁρμονίασ ἤθεσιν Δώριον μὲν αὐτὴν οὐ νομίζειν, προσεμφερῆ δέ πωσ ἐκείνῃ·

διόπερ ὑποδώριον ἐκάλεσαν, ὡσ τὸ προσεμφερὲσ τῷ λευκῷ ὑπόλευκον καὶ τὸ μὴ γλυκὺ μὲν ἐγγὺσ δὲ τούτου λέγομεν ὑπόγλυκυ · οὕτωσ καὶ ὑποδώριον τὸ μὴ πάνυ Δώριον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Athenaeus, The Deipnosophists, Book 14, book 14, chapter 19

(아테나이오스, The Deipnosophists, Book 14, book 14, chapter 19)

상위

목록

SEARCH

MENU NAVIGATION