헬라어 문장 검색 - ΑτηενάΤηεΔειπ

(아테나이오스, The Deipnosophists, Book 12, book 12, chapter 77)

λεπτότεροσ δ’ ἦν καὶ Φιλίτασ ὁ Κῷοσ ποιητήσ, ὃσ καὶ διὰ τὴν τοῦ σώματοσ ἰσχνότητα σφαίρασ ἐκ μολύβου πεποιημένασ εἶχε περὶ τὼ πόδε ὡσ μὴ ὑπὸ ἀνέμου ἀνατραπείη. πολέμων δ’ ὁ περιηγητὴσ ἐν τῷ περὶ Θαυμασίων Ἀρχέστρατον φησι τὸν μάντιν ἁλόντα ὑπὸ πολεμίων καὶ ἐπὶ ζυγὸν ἀναβληθέντα ὀβολοῦ ὁλκὴν εὑρεθῆναι ἔχοντα· οὕτωσ ἦν ἰσχνόσ, ὁ δ’ αὐτὸσ ἱστορεῖ ὡσ καὶ Πανάρετοσ ἰατρῷ μὲν οὐδενὶ ὡμίλησεν, Ἀρκεσιλάου δὲ ἠκροᾶτο τοῦ φιλοσόφου, καὶ ὅτι συνεγένετο Πτολεμαίῳ τῷ Εὐεργέτῃ τάλαντα δώδεκα τὸν ἐνιαυτὸν λαμβάνων ἦν δὲ ἰσχνότατοσ, ἄνοσοσ διατελέσασ· Μητρόδωροσ δ’ ὁ Σκήψιοσ ἐν δευτέρῳ περὶ Ἀλειπτικῆσ Ἱππώνακτα τὸν ποιητὴν οὐ μόνον μικρὸν γενέσθαι τὸ σῶμα ἀλλὰ καὶ λεπτόν, ἀκρότονον δ’ οὕτωσ ὡσ πρὸσ τοῖσ ἄλλοισ καὶ κενὴν λήκυθον βάλλειν μέγιστόν τι διάστημα, τῶν ἐλαφρῶν σωμάτων διὰ τὸ μὴ δύνασθαι τὸν ἀέρα τέμνειν οὐκ ἐχόντων βιαίαν τὴν φοράν. λεπτὸσ δ’ ἦν καὶ Φιλιππίδησ, καθ’ οὗ λόγοσ ἐστὶν Ὑπερείδῃ τῷ ῥήτορι, λέγων αὐτὸν ἕνα τῶν πολιτευομένων εἶναι, ἦν δ’ εὐτελὴσ τὸ σῶμα διὰ λεπτότητα, ὡσ ὁ Ὑπερείδησ ἔφη. Ἄλεξίσ τ’ ἐν Θεσπρωτοῖσ φησιν Ἑρμῆ νεκρῶν προπομπὲ καὶ Φιλιππίδου κληροῦχε, Νυκτὸσ τ’ ὄμμα τῆσ μελαμπέπλου.

καὶ Ἀριστοφῶν Πλάτωνι·

ἐν ἡμέραισ τρισὶν ἰσχνότερον αὐτὸν ἀποφανῶ Φιλιππίδου. β. οὕτωσ ἐν ἡμέραισ ὀλίγαισ νεκροὺσ ποιεῖσ; Μένανδροσ δὲ Ὀργῇ ὁ λιμὸσ ὑμῶν τὸν καλὸν τοῦτον δακὼν Φιλιππίδου λεπτότερον ἀποδείξει νεκρόν. ὅτι δὲ καὶ πεφιλιππιδῶσθαι ἔλεγον τὸ λελεπτύνθαι Ἄλεξισ ἐν Μανδραγοριζομένῃ φησὶν κακῶσ ἔχεισ,6 στρουθὶσ ἀκαρὴσ νὴ Δί’ ἐγένου πεφιλιππίδωσαι. Β.

μὴ σὺ καινῶσ μοι λάλει· ὅσον οὐ τέθνηκα. α. τοῦ ταλαιπώρου πάθουσ· πολλῷ οὖν κάλλιὸν ἐστι τοιοῦτόν τινα εἶναι τὴν ἰδέαν ἢ ὥσ φησιν Ἀντιφάνησ ἐν Αἰόλῳ· τοῦτον οὖν δι’ οἰνοφλυγίαν καὶ πάχοσ τοῦ σώματοσ ἀσκὸν καλοῦσι πάντεσ οὑπιχώριοι. Ἡρακλείδησ δὲ ὁ Ποντικὸσ ἐν τῷ περὶ Ἡδονῆσ Δεινίαν φησὶ τὸν μυροπώλην διὰ τρυφὴν εἰσ ἔρωτα ἐμπεσόντα καὶ πολλὰ χρήματα ἀναλώσαντα, ὡσ ἔξω τῶν ἐπιθυμιῶν ἐγένετο, ὑπὸ λύπησ ἐκταραχθέντα ἐκτεμεῖν αὑτοῦ τὰ αἰδοῖα· ταῦτα πάντα ποιούσησ τῆσ ἀκολάστου τρυφῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Athenaeus, The Deipnosophists, Book 12, book 12, chapter 77

(아테나이오스, The Deipnosophists, Book 12, book 12, chapter 77)

상위

목록

SEARCH

MENU NAVIGATION