Athenaeus, The Deipnosophists, Book 12, book 12, chapter 73

(아테나이오스, The Deipnosophists, Book 12, book 12, chapter 73)

τοιοῦτοσ ἐγεγόνει καὶ Πτολεμαῖοσ ὁ ἕβδομοσ Αἰγύπτου βασιλεύσασ, ὁ αὑτὸν μὲν Εὐεργέτην ἀνακηρύττων, ὑπὸ δὲ Ἀλεξανδρέων Κακεργέτησ ὀνομαζόμενοσ. Ποσειδώνιοσ γοῦν ὁ στωικόσ, συναποδημήσασ Σκιπίωνι τῷ Ἀφρικανῷ κληθέντι εἰσ Ἀλεξάνδρειαν καὶ θεασάμενοσ αὐτόν, γράφει ἐν ἑβδόμῃ τῶν Ἱστοριῶν οὕτωσ· "διὰ δὲ τρυφὴν διέφθαρτο τὸ σῶμα ὑπὸ παχύτητοσ καὶ γαστρὸσ μεγέθουσ, ἣν συσπερίληπτον εἶναι συνέβαινεν ἐφ’ ἧσ χιτωνίσκον ἐνδεδυκὼσ ποδήρη μέχρι τῶν καρπῶν χειρῖδασ ἔχοντα, προῄει δὲ οὐδέποτε πεζὸσ εἰ μὴ διὰ Σκιπίωνα. ὅτι δὲ τρυφῆσ οὐκ ἦν ἀλλότριοσ ὁ βασιλεὺσ οὗτοσ, αὐτὸσ περὶ ἑαυτοῦ μαρτυρεῖ ἐν τῷ ὀγδόῳ τῶν Ὑπομνημάτων διηγούμενοσ ὅπωσ τε ἱερεὺσ ἐγένετο τοῦ ἐν Κυρήνῃ Ἀπόλλωνοσ καὶ ὅπωσ δεῖπνον παρεσκεύασε τοῖσ πρὸ αὐτοῦ γενομένοισ ἱερεῦσι, γράφων οὕτωσ · "Ἀρτεμίτια μεγίστη ἑορτὴ ἐν Κυρήνῃ,1 ἐν ᾗ ὁ ἱερεὺσ τοῦ Ἀπόλλωνοσ ἐνιαύσιοσ δ’ ἐστί δειπνίζει τοὺσ πρὸ αὐτοῦ ἱερευσαμένουσ καὶ παρατίθησιν ἑκάστῳ τρυβλίον·

"τοῦτο δ’ ἐστὶ κεραμεοῦν ἄγγοσ ἐπιδεχόμενον ὡσ εἴκοσι ἀρτάβασ, ἐν ᾧ πολλὰ μὲν τῶν ἀγριμαίων ἔγκειται πεπονημένα, πολλὰ δ’ ἐσθ’ ὅτε καὶ τῶν ἡμέρων ὀρνίθων, ἔτι δὲ θαλαττίων ἰχθύων ταρίχου τε ξενικοῦ πλείονα γένη πολλάκισ δέ τινεσ καὶ καθάριον ἀκολουθίσκον προσδιδόασιν. "ἡμεῖσ δὲ περιειλόμεθα τὰ τοιαῦτα· "φιάλασ δ’ ὁλαργύρουσ κατασκευάσαντεσ, τὸ τίμημα ἔχουσαν ἑκάστην ἧσ προειρήκαμεν δαπάνησ, ἵππον τε κατεσκευασμένον σὺν ἱπποκόμῳ καὶ φαλάροισ διαχρύσοισ ἐδώκαμεν καὶ παρεκαλέσαμεν ἕκαστον ἐπὶ αὐτοῦ καθεσθέντα οἴκαδ’ ἀπιέναι. εἰσ πάχοσ δ’ ἐπεδεδώκει καὶ ὁ υἱὸσ αὐτοῦ Ἀλέξανδροσ, ὁ τὴν ἑαυτοῦ μητέρα ἀποκτείνασ συμβασιλεύουσαν αὐτῷ.

"ὁ δὲ τῆσ Αἰγύπτου δυνάστησ μισούμενοσ μὲν ὑπὸ τῶν ὄχλων, κολακευόμενοσ δ’ ὑπὸ τῶν περὶ αὐτόν, ἐν πολλῇ δὲ τρυφῇ ζῶν, οὐδὲ ἀποπατεῖν οἱο͂́σ τε ἦν, εἰ μὴ δυσὶν ἐπαπερειδόμενοσ ἐπορεύετο.

"εἰσ δὲ τὰσ ἐν τοῖσ συμποσίοισ ὀρχήσεισ ἀπὸ μετεώρων κλινῶν καθαλλόμενοσ ἀνυπόδητοσ συντονωτέρασ αὐτὰσ τῶν ἠσκηκότων ἐποιεῖτο.

일치하는 문장이 없습니다.

SEARCH

MENU NAVIGATION