헬라어 문장 검색 - ΑτηενάΤηεΔειπ

(아테나이오스, The Deipnosophists, Book 12, book 12, chapter 69)

καὶ λύκων δὲ ὁ περιπατητικόσ, ὥσ φησιν Ἀντίγονοσ ὁ Καρύστιοσ, κατ’ ἀρχὰσ ἐπιδημήσασ παιδείασ ἕνεκα ταῖσ Ἀθήναισ περὶ συμβολικοῦ κώθωνοσ καὶ πόσον ἑκάστη τῶν ἑταιρουσῶν ἐπράττετο μίσθωμα ἀκριβῶσ ἠπίστατο. ὕστερον δὲ καὶ τοῦ περιπάτου προστὰσ ἐδείπνιζε τοὺσ φίλουσ ἀλαζονείᾳ καὶ πολυτελείᾳ πολλῇ χρώμενοσ. χωρὶσ γὰρ τῶν παραλαμβανομένων εἰσ αὐτὰ ἀκροαμάτων καὶ ἀργυρωμάτων καὶ στρωμνῆσ ἡ λοιπὴ παρασκευὴ καὶ ἡ τῶν δείπνων περιεργία καὶ ὁ τῶν τραπεζοποιῶν καὶ μαγείρων ὄχλοσ τοσοῦτοσ ἦν ὥστε πολλοὺσ ὀρρωδεῖν καὶ βουλομένουσ προσιέναι πρὸσ τὴν διατριβὴν ἀνακόπτεσθαι, καθάπερ εἰσ πολίτευμα πονηρὸν καὶ χορηγιῶν καὶ λειτουργιῶν πλῆρεσ εὐλαβουμένουσ προσάγειν. ἔδει γὰρ ἄρξαι τε τὴν νομιζομένην ἐν τῷ περιπάτῳ ἀρχὴν αὕτη δ’ ἦν ἐπὶ τῆσ εὐκοσμίασ τῶν ἐπιχειρούντων τριάκονθ’ ἡμέρασ, εἶτα τῇ ἕνῃ καὶ νέᾳ λαβόντα ἀφ’ ἑκάστου τῶν ἐπιχειρούντων ἐννέα ὀβολοὺσ ὑποδέξασθαι μὴ μόνον αὐτοὺσ τοὺσ τὴν συμβολὴν εἰσενεγκόντασ, ἀλλὰ καὶ οὓσ παρακαλέσειεν ὁ Λύκων, ἔτι δὲ καὶ τοὺσ ἐπιμελῶσ συναντῶντασ τῶν πρεσβυτέρων εἰσ τὴν σχολήν, ὥστε γίνεσθαι μηδὲ εἰσ τὸν μυρισμὸν καὶ τοὺσ στεφάνουσ ἱκανὸν τὸ ἐκλεγόμενον ἀργύριον ἱεροποιῆσαί τε καὶ τῶν Μουσείων ἐπιμελητὴν γενέσθαι, ἃ δὴ πάντα ἐφαίνετο λόγου μὲν ἀλλότρια καὶ φιλοσοφίασ εἶναι, τρυφῆσ δὲ καὶ περιστάσεωσ οἰκειότερα. τόπῳ ἐν τῇ Κόνωνοσ οἰκίᾳ εἶχεν εἰκοσίκλινον οἶκον, ὃσ ἦν ἐπιτήδειοσ αὐτῷ πρὸσ τὰσ ὑποδοχάσ.

ἦν δὲ ὁ Λύκων καὶ σφαιριστὴσ ἀγαθὸσ καὶ ἐπιδέξιοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Athenaeus, The Deipnosophists, Book 12, book 12, chapter 69

(아테나이오스, The Deipnosophists, Book 12, book 12, chapter 69)

상위

목록

SEARCH

MENU NAVIGATION