헬라어 문장 검색 - ΑτηενάΤηεΔειπ

(아테나이오스, The Deipnosophists, Book 12, book 12, chapter 53)

περὶ δὲ τῆσ Ἀλεξάνδρου τοῦ πάνυ τρυφῆσ Ἔφιπποσ μὲν ὁ Ὀλύνθιοσ ἐν τῷ περὶ τῆσ Ἡφαιστίωνοσ καὶ Ἀλεξάνδρου Τελευτῆσ φησιν ὅτι ἐν τῷ παραδείσω ἔκειτο αὐτῷ χρυσοῦσ θρόνοσ καὶ κλῖναι ἀργυρόποδεσ, ἐφ’· ὧν καθεζόμενοσ ἐχρημάτιζε μετὰ τῶν ἑταίρων. Νικοβούλη δέ φησιν ὅτι παρὰ τὸ δεῖπνον πάντεσ οἱ ἀγωνισταὶ ἐσπούδαζον τέρπειν τὸν βασιλέα καὶ ὅτι ἐν τῷ τελευταίῳ δείπνῳ αὐτὸσ ὁ Ἀλέξανδροσ ἐπεισόδιόν τι μνημονεύσασ ἐκ τῆσ Εὐριπίδου Ἀνδρομέδασ ἠγωνίσατο καὶ τὸν ἄκρατον προθύμωσ προπίνων καὶ τοὺσ ἄλλουσ ἠνάγκαζεν. ἔφιπποσ δέ φησιν ὡσ Ἀλέξανδροσ καὶ τὰσ ἱερὰσ ἐσθῆτασ ἐφόρει ἐν τοῖσ δείπνοισ, ὁτὲ μὲν τὴν τοῦ Ἄμμωνοσ πορφυρίδα καὶ περισχιδεῖσ καὶ κέρατα καθάπερ ὁ θεόσ, ὁτὲ δὲ τὴν τῆσ Ἀρτέμιδοσ, ἣν καὶ ἐπὶ τοῦ ἁρ́ματοσ ἐφόρει πολλάκισ, ἔχων τὴν Περσικὴν στολήν, ὑποφαίνων ἄνωθεν τῶν ὤμων τό τε τόξον καὶ τὴν σιβύνην, ἐνίοτε δὲ καὶ τὴν τοῦ Ἑρμοῦ·

τὰ μὲν ἄλλα σχεδὸν καὶ καθ’ ἑκάστην ἡμέραν χλαμύδα τε πορφυρᾶν καὶ χιτῶνα μεσόλευκον καὶ τὴν καυσίαν ἔχουσαν τὸ διάδημα τὸ βασιλικόν, ἐν δὲ τῇ συνουσίᾳ τά τε πέδιλα καὶ τὸν πέτασον ἐπὶ τῇ κεφαλῇ καὶ τὸ κηρύκειον ἐν τῇ χειρί, πολλάκισ δὲ καὶ λεοντῆν καὶ ῥόπαλον ὥσπερ ὁ Ἡρακλῆσ. τί οὖν θαυμαστὸν εἰ καὶ καθ’ ἡμᾶσ Κόμμοδοσ ὁ αὐτοκράτωρ ἐπὶ τῶν ὀχημάτων παρακείμενον εἶχεν τὸ Ἡράκλειον ῥόπαλον ὑπεστρωμένησ αὐτῷ λεοντῆσ καὶ Ἡρακλῆσ καλεῖσθαι ἤθελεν, Ἀλεξάνδρου τοῦ Ἀριστοτελικοῦ τοσούτοισ αὑτὸν ἀφομοιοῦντοσ θεοῖσ, ἀτὰρ καὶ τῇ Ἀρτέμιδι; ἔρρανε δὲ ὁ Ἀλέξανδροσ καὶ μύρῳ σπουδαίῳ καὶ οἴνῳ εὐώδει τὸ δάπεδον.

ἐθυμιᾶτο δὲ αὐτῷ σμύρνα καὶ τὰ ἄλλα θυμιάματα·

εὐφημία τε καὶ σιγὴ κατεῖχε πάντασ ὑπὸ δέουσ τοὺσ παρόντασ. ἀφόρητοσ γὰρ ἦν καὶ φονικόσ. ἐδόκει γὰρ εἶναι μελαγχολικόσ. ἐν Ἐκβατάνοισ δὲ ποιήσασ τῷ Διονύσῳ θυσίαν καὶ πάντων δαψιλῶσ ἐν τῇ θοίνῃ παρασκευασθέντων, καὶ Σατραβάτησ ὁ σατράπησ τοὺσ στρατιώτασ εἱστίασε πάντασ. ἀθροισθέντων δὲ πολλῶν ἐπὶ τὴν θέαν, φησὶν ὁ Ἔφιπποσ, κηρύγματα ἐγίνετο ’ ὑπερήφανα καὶ τῆσ Περσικῆσ ὑπεροψίασ αὐθαδέστερα. "Γόργοσ ὁ ὁπλοφύλαξ Ἀλέξανδρον Ἄμμωνοσ υἱὸν στεφανοῖ χρυσοῖσ τρισχιλίοισ, καὶ ὅταν Ἀθήνασ πολιορκῇ, μυρίαισ πανοπλίαισ καὶ τοῖσ ἴσοισ καταπέλταισ καὶ πᾶσι τοῖσ ἄλλοισ βέλεσιν εἰσ τὸν πόλεμον ἱκανοῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Athenaeus, The Deipnosophists, Book 12, book 12, chapter 53

(아테나이오스, The Deipnosophists, Book 12, book 12, chapter 53)

상위

목록

SEARCH

MENU NAVIGATION