헬라어 문장 검색 - ΑτηενάΤηεΔειπ

(아테나이오스, The Deipnosophists, Book 12, book 12, chapter 19)

εἰσ τηλικοῦτον δ’ ἦσαν τρυφῆσ ἐληλακότεσ ὡσ καὶ παρὰ τὰσ εὐωχίασ τοὺσ ἵππουσ ἐθίσαι πρὸσ αὐλὸν ὀρχεῖσθαι. τοῦτ’ οὖν εἰδότεσ οἱ Κροτωνιᾶται ὅτε αὐτοῖσ ἐπολέμουν, ὡσ καὶ Ἀριστοτέλησ ἱστορεῖ διὰ τῆσ Πολιτείασ αὐτῶν, ἐνέδοσαν τοῖσ ἵπποισ τὸ ὀρχηστικὸν μέλοσ· συμπαρῆσαν γὰρ αὐτοῖσ καὶ αὐληταὶ ἐν στρατιωτικῇ σκευῇ· καὶ ἅμα αὐλούντων ἀκούοντεσ οἱ ἵπποι οὐ μόνον ἐξωρχήσαντο, ἀλλὰ καὶ τοὺσ ἀναβάτασ ἔχοντεσ ηὐτομόλησαν πρὸσ τοὺσ Κροτωνιάτασ. τὰ ὅμοια ἱστόρησε καὶ περὶ Καρδιανῶν ὁ Λαμψακηνὸσ Χάρων ἐν δευτέρῳ ̔̀ Ὥρων γράφων οὕτωσ· "Βισάλται εἰσ Καρδίην ἐστρατεύσαντο καὶ ἐνίκησαν. "ἡγεμὼν δὲ τῶν Βισαλτέων ἦν ὁ Νάρισ. "οὗτοσ δὲ παῖσ ὢν ἐν τῇ Καρδίῃ ἐπράθη καί τινι Καρδιηνῷ δουλεύσασ κορσωτεὺσ ἐγένετο. "Καρδιηνοῖσ δὲ λόγιον ἦν ὡσ Βισάλται ἀπίξονται ἐπ’ αὐτούσ, καὶ πυκνὰ περὶ τούτου διελέγοντο ἐν τῷ κορσωτηρίῳ ἱζάνοντεσ. "καὶ ἀποδρὰσ ἐκ τῆσ Καρδίησ εἰσ τὴν πατρίδα τοὺσ Βισάλτασ ἔστειλεν ἐπὶ τοὺσ Καρδιηνοὺσ ἀποδειχθεὶσ ἡγεμὼν ὑπὸ τῶν Βισαλτέων. "οἱ δὲ Καρδιηνοὶ πάντεσ τοὺσ ἵππουσ ἐδίδαξαν ἐν τοῖσ συμποσίοισ ὀρχεῖσθαι ὑπὸ τῶν αὐλῶν, καὶ ἐπὶ τῶν ὀπισθίων ποδῶν ἱστάμενοι τοῖσ προσθίοισ ὥσπερ χειρονομέοντεσ ὠρχοῦντο ἐξεπιστάμενοι τὰ αὐλήματα. "ταῦτ’ οὖν ἐπιστάμενοσ ὁ Νάρισ ἐκτήσατο ἐκ τῆσ Καρδίησ αὐλητρίδα , καὶ ἀφικομένη ἡ αὐλητρὶσ εἰσ τοὺσ Βισάλτασ ἐδίδαξε πολλοὺσ αὐλητάσ· "μεθ’ ὧν δὴ καὶ στρατεύεται ἐπὶ τὴν Καρδίην. "καὶ ἐπειδὴ ἡ μάχη συνειστήκει, ἐκέλευσεν αὐλεῖν τὰ αὐλήματα ὅσα οἱ ἵπποι τῶν Καρδιηνῶν ἐξεπισταίατο. "καὶ ἐπεὶ ἤκουσαν οἱ ἵπποι τοῦ αὐλοῦ, ἔστησαν ἐπὶ τῶν ὀπισθίων ποδῶν καὶ πρὸσ ὀρχησμὸν ἐτράποντο· "τῶν δὲ Καρδιηνῶν ἡ ἰσχὺσ ἐν τῇ ἵππῳ ἦν, καὶ οὕτωσ ἐνικήθησαν. Συβαριτῶν δέ τισ εἰσ Κρότωνά ποτε διαπλεῦσαι βουληθεὶσ ἐκ τῆσ Συβάρεωσ ἰδιόστολον ἐναυλώσατο πλοῖον, ἐφ’ ᾧ οὔτε ῥαντισθήσεται οὔτ’ ἐμβήσεται ἕτεροσ καὶ ἐφ’ ᾧ τὸν ἵππον ἀναλήψεται.

τοῦ δ’ οὕτωσ συμφωνήσαντοσ ἐνεβίβασέν τε τὸν ἵππον καὶ ὑποστορέσαι τῷ ζῴῳ ἐκέλευσεν. ἔπειτα τινὸσ τῶν προπεμπόντων ἐδεῖτο συμπλεῦσαι αὐτῷ, λέγων ὅτι προδιεστειλάμην τῷ πορθμεῖ ἵνα παρὰ τὴν γῆν πλέῃ, ὁ δὲ ἀπεκρίνατο ὅτι μόλισ ἄν σου ὑπήκουσα εἰ παρὰ τὴν θάλασσαν ἔμελλεσ πεζεύειν καὶ μὴ παρὰ τὴν γῆν πλεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Athenaeus, The Deipnosophists, Book 12, book 12, chapter 19

(아테나이오스, The Deipnosophists, Book 12, book 12, chapter 19)

상위

목록

SEARCH

MENU NAVIGATION