헬라어 문장 검색 - ΑτηενάΤηεΔειπ

(아테나이오스, The Deipnosophists, Book 12, book 12, chapter 14)

παρὰ δὲ Τυρρηνοῖσ ἐκτόπωσ τρυφήσασιν ἱστορεῖ Τίμαιοσ ἐν τῇ α’ ὅτι αἱ θεράπαιναι γυμναὶ τοῖσ ἀνδράσι διακονοῦνται. Θεόπομποσ δὲ ἐν τῇ τεσσαρακοστῇ τρίτῃ τῶν Ἱστοριῶν καὶ νόμον εἶναί φησιν παρὰ τοῖσ Τυρρηνοῖσ κοινὰσ ὑπάρχειν τὰσ γυναῖκασ· ταύτασ δὲ ἐπιμελεῖσθαι σφόδρα τῶν σωμάτων καὶ γυμνάζεσθαι πολλάκισ καὶ μετ’ ἀνδρῶν, ἐνίοτε δὲ καὶ πρὸσ ἑαυτάσ· οὐ γὰρ αἰσχρὸν εἶναι αὐταῖσ φαίνεσθαι γυμναῖσ, δειπνεῖν δὲ αὐτὰσ οὐ παρὰ τοῖσ ἀνδράσι τοῖσ ἑαυτῶν, ἀλλὰ παρ’ οἷσ ἂν τύχωσι τῶν παρόντων, καὶ προπίνουσιν οἷσ ἂν βουληθῶσιν. εἶναι δὲ καὶ πιεῖν δεινὰσ καὶ τὰσ ὄψεισ πάνυ καλάσ.

τρέφειν δὲ τοὺσ Τυρρηνοὺσ πάντα τὰ γινόμενα παιδία, οὐκ εἰδότασ ὅτου πατρόσ ἐστιν ἕκαστον. ζῶσι δὲ καὶ οὗτοι τὸν αὐτὸν τρόπον τοῖσ θρεψαμένοισ,1 πότουσ τὰ πολλὰ ποιούμενοι καὶ πλησιάζοντεσ ταῖσ γυναιξὶν ἁπάσαισ. οὐδὲν δ’ αἰσχρόν ἐστι Τυρρηνοῖσ οὐ μόνον αὐτοὺσ ἐν τῷ μέσῳ τι ποιοῦντασ, ἀλλ’ οὐδὲ πάσχοντασ φαίνεσθαι, ἐπιχώριον γὰρ καὶ τοῦτο παρ’ αὐτοῖσ ἐστι. καὶ τοσούτου δέουσιν αἰσχρὸν ὑπολαμβάνειν ὥστε καὶ λέγουσιν, ὅταν ὁ μὲν δεσπότησ τῆσ οἰκίασ ἀφροδισιάζηται, ζητῇ δέ τισ αὐτόν, ὅτι πάσχει τὸ καὶ τό, προσαγορεύσαντεσ αἰσχρῶσ τὸ πρᾶγμα. ἐπειδὰν δὲ συνουσιάζωσι καθ’ ἑταιρίασ ἢ κατὰ συγγενείασ, ποιοῦσιν οὕτωσ ·

πρῶτον μὲν ὅταν παύσωνται πίνοντεσ καὶ μέλλωσι καθεύδειν, εἰσάγουσι παρ’ αὐτοὺσ οἱ διάκονοι τῶν λύχνων ἔτι καιομένων ὁτὲ μὲν ἑταίρασ, ὁτὲ δὲ παῖδασ πάνυ καλούσ, ὁτὲ δὲ καὶ γυναῖκασ· ὅταν δὲ τούτων ἀπολαύσωσιν, αὖθισ νεανίσκουσ ἀκμάζοντασ, οἳ πλησιάζουσιν αὐτοὶ ἐκείνοισ. ἀφροδισιάζουσιν δὲ καὶ ποιοῦνται τὰσ συνουσίασ ὁτὲ μὲν ὁρῶντεσ ἀλλήλουσ, ὡσ δὲ τὰ πολλὰ καλύβασ περιβάλλοντεσ περὶ τὰσ κλίνασ, αἳ πεπλεγμέναι εἰσιν ἐκ ῥάβδων, ἐπιβέβληται δ’ ἄνωθεν ἱμάτια, καὶ πλησιάζουσι μὲν σφόδρα καὶ ταῖσ γυναιξί, πολὺ μέντοι γε μᾶλλον χαίρουσι συνόντεσ τοῖσ παισὶ καὶ τοῖσ μειρακίοισ. καὶ γὰρ γίνονται παρ’ αὐτοῖσ πάνυ καλοὶ τὰσ ὄψεισ, ἅτε τρυφερῶσ διαιτώμενοι καὶ λεαινόμενοι τὰ σώματα, πάντεσ δὲ οἱ πρὸσ ἑσπέραν οἰκοῦντεσ βάρβαροι πιττοῦνται καὶ ξυροῦνται τὰ σώματα·

καὶ παρά γε τοῖσ Τυρρηνοῖσ ἐργαστήρια κατεσκεύασται πολλὰ καὶ τεχνῖται τούτου τοῦ πράγματόσ εἰσιν, ὥσπερ παρ’ ἡμῖν οἱ κουρεῖσ. παρ’ οὓσ ὅταν εἰσέλθωσιν, παρέχουσιν ἑαυτοὺσ πάντα τρόπον, οὐθὲν αἰσχυνόμενοι τοὺσ ὁρῶντασ οὐδὲ τοὺσ παριόντασ.

χρῶνται δὲ τούτῳ τῷ νόμῳ πολλοὶ καὶ τῶν Ἑλλήνων τῶν τὴν Ἰταλίαν οἰκούντων, μαθόντεσ παρὰ Σαυνιτῶν καὶ Μεσσαπίων. ὑπὸ δὲ τῆσ τρυφῆσ οἱ Τυρρηνοί, ὡσ Ἄλκιμοσ ἱστορεῖ, πρὸσ αὐλὸν καὶ μάττουσιν καὶ πυκτεύουσι καὶ μαστιγοῦσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Athenaeus, The Deipnosophists, Book 12, book 12, chapter 14

(아테나이오스, The Deipnosophists, Book 12, book 12, chapter 14)

상위

목록

SEARCH

MENU NAVIGATION