Athenaeus, The Deipnosophists, Book 2, book 2, chapter 82

(아테나이오스, The Deipnosophists, Book 2, book 2, chapter 82)

κινάρα. ταύτην Σοφοκλῆσ ἐν Κολχίσι κυνάραν καλεῖ, ἐν δὲ Φοίνικι · κύναροσ ἄκανθα πάντα πληθύει γύην. Ἑκαταῖοσ δ’ ὁ Μιλήσιοσ ἐν Ἀσίασ περιηγήσει, εἰ γνήσιον τοῦ συγγραφέωσ τὸ βιβλίον Καλλίμαχοσ γὰρ Νησιώτου αὐτὸ ἀναγράφει· ὅστισ οὖν ἐστιν ὁ ποιήσασ, λέγει οὕτωσ· "περὶ τὴν Ὑρκανίην θάλασσαν καλεομένην οὔρεα ὑψηλὰ καὶ δασέα ὕλῃσιν, ἐπὶ δὲ τοῖσιν οὔρεσιν ἄκανθα κυνάρα. καὶ ἑξῆσ· "Πάρθων πρὸσ ἥλιον ἀνίσχοντα Χοράσμιοι οἰκοῦσι γῆν, ἔχοντεσ καὶ πεδία καὶ οὔρεα· "ἐν δὲ τοῖσιν οὔρεσι δένδρεα ἔνι ἄγρια, ἄκανθα κυνάρα, ἰτέα, μυρίκη. καὶ περὶ τὸν Ἰνδὸν δέ φησι ποταμὸν γίνεσθαι τὴν κυνάραν. καὶ Σκύλαξ δὲ ἢ Πολέμων γράφει· "εἶναι δὲ τὴν γῆν ὑδρηλὴν κρήνῃσι καὶ ὀχετοῖσιν, ἐν δὲ τοῖσ οὔρεσι πέφυκε κυνάρα καὶ βοτάνη ἄλλη. καὶ ἐν τοῖσ ἑξῆσ·

"ἐντεῦθεν δὲ ὄροσ παρέτεινε τοῦ ποταμοῦ τοῦ Ἰνδοῦ καὶ ἔνθεν καὶ ἔνθεν ὑψηλόν τε καὶ δασὺ ἀγρίῃ ὕλῃ καὶ ἀκάνθῃ κυνάρᾳ. "μήποτε, φησί, τὴν κυνόσβατον λέγει διὰ τὸ ἀκανθῶδεσ καὶ τραχὺ εἶναι τὸ φυτόν.

일치하는 문장이 없습니다.

SEARCH

MENU NAVIGATION