Athenaeus, The Deipnosophists, Book 2, book 2, chapter 68

(아테나이오스, The Deipnosophists, Book 2, book 2, chapter 68)

κίχλαι. καὶ τούτων ἦσαν καὶ ἄλλων ὀρνίθων ἀγέλαι ἐν τοῖσ προπόμασι. Τηλεκλείδησ· ὀπταὶ δὲ κίχλαι μετ’ ἀμητίσκων εἰσ τὸν φάρυγ’ εἰσεπέτοντο. Συρακούσιοι δὲ τὰσ κίχλασ κιχήλασ λέγουσιν. Ἐπίχαρμοσ · τὰσ τ’ ἐλαιοφιλοφάγουσ κιχήλασ. μέμνηται τούτων καὶ Ἀριστοφάνησ ἐν Νεφέλαισ. τρία δὲ γένη κιχλῶν Ἀριστοτέλησ εἶναι ἱστορεῖ, ὧν τὴν πρώτην καὶ μεγίστην κίσσῃ πάρισον εἶναι, ἣν καὶ καλεῖσθαι ἰξοφάγον, ἐπειδὴ ἰξὸν ἐσθίει τὴν δὲ τῷ κοσσύφῳ ἴσην, ἣν ὀνομάζεσθαι τριχάδα· τὴν δὲ τρίτην ἐλαχίστην τῶν προειρημένων οὖσαν ἰλλάδα ὀνομάζεσθαι. οἱ δὲ τυλάδα λέγουσιν, ὡσ Ἀλέξανδροσ ἱστορεῖ ὁ Μύνδιοσ· ἣν καὶ συναγελαστικὴν εἶναι καὶ νεοττεύειν ὡσ καὶ τὰσ χελιδόνασ. δὲ Ἐπικιχλίδεσ, ἔτυχε ταύτησ τῆσ προσηγορίασ διὰ τὸ τὸν Ὅμηρον ᾄδοντα αὐτὸ τοῖσ παισὶ κίχλασ δῶρον λαμβάνειν, ἱστορεῖ Μέναιχμοσ ἐν τῷ περὶ τεχνιτῶν.

일치하는 문장이 없습니다.

SEARCH

MENU NAVIGATION