Ancient Greek Text

Athenaeus, The Deipnosophists, Book 2, book 2, chapter 31

(아테나이오스, The Deipnosophists, Book 2, book 2, chapter 31)

πρῶτοι δὲ Πέρσαι, ὥσ φησιν Ἡρακλείδησ, καὶ τοὺσ λεγομένουσ στρώτασ ἐφεῦρον, ἵνα κόσμον ἔχῃ ἡ στρῶσισ καὶ εὐάφειαν. τὸν οὖν Τιμαγόραν ἢ τὸν ἐκ Γόρτυνοσ Κρῆτα, ὥσ φησι Φαινίασ ὁ περιπατητικόσ, Ἔντιμον, ὃσ ζήλῳ Θεμιστοκλέουσ ἀνέβη ὡσ βασιλέα, τιμῶν Ἀρταξέρξησ σκηνήν τε ἔδωκεν αὐτῷ διαφέρουσαν τὸ κάλλοσ καὶ τὸ μέγεθοσ καὶ κλίνην ἀργυρόποδα, ἔπεμψε δὲ καὶ στρώματα πολυτελῆ καὶ τὸν ὑποστρώσοντα, φάσκων οὐκ ἐπίστασθαι τοὺσ Ἕλληνασ ὑποστρωννύειν. καὶ ἐπὶ τὸ συγγενικὸν ἄριστον ἐκαλεῖτο ὁ Κρὴσ οὗτοσ, τὸν βασιλέα ψυχαγωγήσασ·

ὅπερ οὐδενὶ πρότερον τῶν Ἑλλήνων ἐγένετο, ἀλλ’ οὐδ’ ὕστερον, αὕτη γὰρ ἡ τιμὴ τοῖσ συγγενέσι διεφυλάττετο. Τιμαγόρᾳ μὲν γὰρ τῷ Ἀθηναίῳ τῷ προσκυνήσαντι βασιλέα καὶ μάλιστα τιμηθέντι τοῦτο οὐχ ὑπῆρξε· τῶν δὲ παρατιθεμένων βασιλεῖ τούτῳ τινὰ ἀπὸ τῆσ τραπέζησ ἀπέστελλε. Ἀνταλκίδᾳ δὲ τῷ Λάκωνι τὸν αὑτοῦ στέφανον εἰσ μύρον βάψασ ἔπεμψε, τῷ δὲ Ἐντίμῳ τοιαῦτα πολλὰ ἐποίει καὶ ἐπὶ τὸ συγγενικὸν ἄριστον ἐκάλει. ἐφ’ ᾧ οἱ Πέρσαι χαλεπῶσ ἔφερον ὡσ τῆσ τε τιμῆσ δημευομένησ καὶ στρατείασ ἐπὶ τὴν Ἑλλάδα πάλιν ἐσομένησ.

ἑκατὸν καὶ παῖδασ ἑκατὸν χρυσοῦσ τε ἑξακισχιλίουσ χωρὶσ τῶν εἰσ τὰ ἐπιτήδεια καθ’ ἡμέραν διδομένων.