Athenaeus, The Deipnosophists, Book 2, book 2, chapter 23

(아테나이오스, The Deipnosophists, Book 2, book 2, chapter 23)

ὁ Περσῶν βασιλεύσ, ὥσ φησιν ἐν τῇ α’ Ἡρόδοτοσ, ὕδωρ ἀπὸ τοῦ Χοάσπεω πιεῖν ἄγεται τοῦ παρὰ Σοῦσα ῥέοντοσ· τοῦ μόνου πίνει ὁ βασιλεύσ, τοῦ δὲ τοιούτου ὕδατοσ ἀπεψημένου πολλαὶ κάρτα ἅμαξαι τετράκυκλοι ἡμιόνειαι κομίζουσαι ἐν ἀγγείοισ ἀργυρέοισιν ἕπονταί οἱ. Κτησίασ δὲ ὁ Κνίδιοσ καὶ ἱστορεῖ ὅπωσ ἕψεται τὸ βασιλικὸν τοῦτο ὕδωρ καὶ ὅπωσ ἐναποτιθέμενον τοῖσ ἀγγείοισ φέρεται τῷ βασιλεῖ, λέγων αὐτὸ καὶ ἐλαφρότατον καὶ ἥδιστον εἶναι. καὶ ὁ τῆσ Αἰγύπτου δὲ βασιλεὺσ δεύτεροσ, ὁ Φιλάδελφοσ ἐπίκλην, ἐκδοὺσ τὴν αὑτοῦ θυγατέρα Βερενίκην Ἀντιόχῳ τῷ Συρίασ βασιλεῖ, ἐν ἐπιμελείᾳ εἶχε πέμπειν αὐτῇ τὸ ἀπὸ τοῦ Νείλου ὕδωρ, ἵνα μόνου τούτου τοῦ ποταμοῦ ἡ παῖσ πίνῃ, ἱστορεῖ Πολύβιοσ. Ἡλιόδωροσ δέ φησι τὸν Ἐπιφανῆ Ἀντίοχον, ὃν διὰ τὰσ πράξεισ Πολύβιοσ Ἐπιμανῆ καλεῖ, τὴν κρήνην τὴν ἐν Ἀντιοχείᾳ κεράσαι οἴνῳ·

καθάπερ καὶ τὸν Φρύγα Μίδαν φησὶ Θεόπομποσ, ὅτε ἑλεῖν τὸν Σιληνὸν ὑπὸ μέθησ ἠθέλησεν. ἐστὶ δὲ ἡ κρήνη, ὥσ φησι Βίων, μέση Μαιδῶν καὶ Παιόνων Ἴννα καλουμένη. πρὸσ τὸ ὕδωρ κρᾶσιν Μελάμποδα πρῶτον εὑρεῖν.

φησὶ δὲ καὶ πεπτικώτερον τοῦ οἴνου τὸ ὕδωρ Πλειστόνικοσ.

일치하는 문장이 없습니다.

SEARCH

MENU NAVIGATION