호흡부호 보기
강세부호 보기
장단부호 보기
작은 Iota 보기
모든 부호 보기
οὐδεὶσ φιλοπότησ ἐστὶν ἄνθρωποσ κακόσ. ὁ γάρ διμάτωρ Βρόμιοσ οὐ χαίρει συνὼν ἀνδράσι πονηροῖσ οὐδ’ ἀπαιδεύτῳ βίῳ, φησὶν Ἄλεξισ, καὶ ὅτι οἶνοσ φιλολόγουσ πάντασ ποιεῖ τοὺσ πλείονα πίνοντασ αὐτόν. ὁ δὲ ποιήσασ τὸ εἰσ Κρατῖνον ἐπίγραμμά φησιν οἶνόσ τοι χαρίεντι πέλει μέγασ ἵπποσ ἀοιδῷ, ὕδωρ δὲ πίνων χρηστὸν οὐδὲν ἂν τέκοισ, ταῦτ’ ἔλεγεν, Διόνυσε, καὶ ἔπνεεν οὐχ ἑνὸσ ἀσκοῦ Κρατῖνοσ, ἀλλὰ παντὸσ ὠδώδει πίθου. τοιγάρ οἱ στεφάνων δόμοσ ἔβρυεν, εἶχε δὲ κιττῷ μέτωπον οἱᾶ καὶ σὺ κεκροκωμένον. Πολέμων φησὶν ἐν Μουνυχίᾳ ἡρ́ωα Ἀκρατοπότην τιμᾶσθαι, παρὰ δὲ Σπαρτιάταισ Μάττωνα καὶ Κεράωνα ἡρ́ωασ ὑπό τινων μαγείρων ἱδρῦσθαι ἐν τοῖσ φειδιτίοισ. τιμᾶται δὲ καὶ ἐν Ἀχαίᾳ Δειπνεὺσ ἀπὸ τῶν δείπνων σχὼν τὴν προσηγορίαν.
ἐπεσημήνατο ὁ γραμματικὸσ Ἀρίσταρχοσ περιγράφων τὸν στίχον, ὃσ ἀπὸ κρεωφαγίασ αὐχεῖν ποιεῖ τοὺσ Ἕλληνασ. οὐ γὰρ ἀπὸ πάσησ εὐθυμίασ καὶ πληρώσεωσ τὸ καυχᾶσθαι καὶ σκώπτειν καὶ γελοιάζειν, ἀπὸ δὲ τῆσ ἀλλοιούσησ τὴν γνώμην καὶ πρὸσ τὸ ψευδὲσ τρεπούσησ, ἣ γίνεται κατὰ τὴν μέθην.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기