호흡부호 보기
강세부호 보기
장단부호 보기
작은 Iota 보기
모든 부호 보기
καλῶσ οὖν Ἀρίστων ὁ Κεῖόσ φησιν ἥδιστον ποτὸν εἶναι τὸν ἅμα μὲν γλυκύτητοσ, ἅμα δ’ εὐωδίασ κοινωνοῦντα. διὸ καὶ τὸ καλούμενον νέκταρ κατασκευάζειν τινὰσ περὶ τὸν Λυδίασ Ὄλυμπον οἶνον καὶ κηρία συγκιρνάντασ εἰσ ταὐτὰ καὶ τὰ τῶν ἀνθῶν εὐώδη, οἶδα δ’ ὅτι Ἀναξανδρίδησ τὸ νέκταρ οὐ ποτόν, ἀλλὰ τροφὴν εἶναι λέγει θεῶν· τὸ νέκταρ ἐσθίω πάνυ μάττων διαπίνω τ’ ἀμβροσίαν καὶ τῷ Διὶ διακονῶ καὶ σεμνὸσ εἰμ’ ἑκάστοτε Ἥρᾳ λαλῶν καὶ Κύπριδι παρακαθήμενοσ. αὐτούσ· · καὶ Σαπφὼ δέ φησιν· ἀμβροσίασ μὲν κρατὴρ ἐκέκρατο, Ἑρμᾶσ δ’ ἕλεν ὄλπιν θεοῖσ οἰνοχοῆσαι. ὁ δ’ Ὅμηροσ θεῶν πόμα τὸ νέκταρ οἶδεν Ἴβυκοσ δέ φησι τὴν ἀμβροσίαν τοῦ μέλιτοσ κατ’ ἐπίτασιν ἐννεαπλασίαν ἔχειν γλυκύτητα, τὸ μέλι λέγων ἔνατον εἶναι μέροσ τῆσ ἀμβροσίασ κατὰ τὴν ἡδονήν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기