호흡부호 보기
강세부호 보기
장단부호 보기
작은 Iota 보기
모든 부호 보기
Φιλόχοροσ δέ φησιν Ἀμφικτύονα τὸν Ἀθηναίων βασιλέα μαθόντα παρὰ Διονύσου τὴν τοῦ οἴνου κρᾶσιν πρῶτον κεράσαι. διὸ καὶ ὀρθοὺσ γενέσθαι τοὺσ ἀνθρώπουσ οὕτω πίνοντασ, πρότερον ὑπὸ τοῦ ἀκράτου καμπτομένουσ· καὶ διὰ τοῦτο ἱδρύσασθαι βωμὸν ὀρθοῦ Διονύσου ἐν τῷ τῶν ̔ Ὡρῶν ἱερῷ αὗται γάρ καὶ τὸν τῆσ ἀμπέλου καρπὸν ἐκτρέφουσι. πλησίον δ’ αὐτοῦ καὶ ταῖσ Νύμφαισ βωμὸν ἔδειμεν, ὑπόμνημα τοῖσ χρωμένοισ τῆσ κράσεωσ ποιούμενοσ· καὶ γάρ Διονύσου τροφοὶ αἱ Νύμφαι λέγονται, καὶ θέσμιον ἔθετο προσφέρεσθαι μετὰ τὰ σιτία ἄκρατον μόνον ὅσον γεύσασθαι, δεῖγμα τῆσ δυνάμεωσ τοῦ ἀγαθοῦ θεοῦ, τὸ δὲ λοιπὸν ἤδη κεκραμένον, ὁπόσον ἕκαστοσ βούλεται· προσεπιλέγειν δὲ τούτῳ τὸ τοῦ Διὸσ σωτῆροσ ὄνομα διδαχῆσ καὶ μνήμησ ἕνεκα τῶν πινόντων, ὅτι οὕτω πίνοντεσ ἀσφαλῶσ σωθήσονται. Πλάτων δ’ ἐν δευτέρῳ Νόμων τὴν τοῦ οἴνου χρῆσίν φησιν ὑγιείασ ἕνεκα ὑπάρχειν ἀπὸ τοῦ κατὰ μέθην δὲ καταστήματοσ καὶ ταύρῳ παρεικάζουσι τὸν Διόνυσον καὶ παρδάλει διὰ τὸ πρὸσ βίαν τρέπεσθαι τοὺσ ἐξοινωθέντασ. Ἀλκαῖοσ·
ἄλλοτε μὲν μελιαδέοσ, ἄλλοτε δ’ ὀξυτέρου τριβόλων ἀρυτημένοι. εἰσὶ δ’ οἳ καὶ θυμικοὶ γίνονται· τοιοῦτοσ δ’ ὁ ταῦροσ. Εὐριπίδησ· ταῦροι δ’· ὑβρισταὶ κεἰσ κέρασ θυμούμενοι. διὰ δὲ τὸ μάχιμον καὶ θηριώδεισ ἔνιοι γίνονται·
ὅθεν καὶ τὸ παρδαλῶδεσ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기