Arrian, Periplus Ponti Euxini, chapter 25

(아리아노스, Periplus Ponti Euxini, chapter 25)

καὶ μέχρι τούτου λέγει τὴν στρατιὰν ἐλθεῖν τῶν Ἑλλήνων, ἧσ αὐτὸσ ἡγήσατο, ὅτε τὰ τελευταῖα σὺν Σεύθῃ τῷ Θρᾳκὶ ἐστράτευσεν. καὶ περὶ τὴσ ἀλιμενότητοσ τοῦ χωρίου πολλὰ ἀνέγραψεν, ὅτι ἐνταῦθα ἐκπίπτει τὰ πλοῖα χειμῶνι βιαζόμενα, καὶ οἱ Θρᾷκεσ οἱ πρόσχωροι ὅτι ὑπὲρ τῶν ναυαγίων ἐν σφίσιν διαμάχονται.

ἀπὸ δὲ Σαλμυδησσοῦ ἐσ Φρυγίαν στάδιοι τριάκοντα καὶ τριακόσιοι.

ἐνθένδε ἐπὶ Κυανέασ εἴκοσι καὶ τριακόσιοι.

αὗται δὲ αἱ Κυάνεαί εἰσιν, ἃσ λέγουσιν οἱ ποιηταὶ πλαγκτὰσ πάλαι εἶναι, καὶ διὰ τούτων πρώτην ναῦν περᾶσαι τὴν Ἀργώ, ἥτισ ἐσ Κόλχουσ Ιἄσονα ἤγαγεν ἐκ δὲ Κυανέων ἐπὶ τὸ Ιἑρὸν τοῦ Διὸσ τοῦ Οὐρίου, ἵναπερ τὸ στόμα τοῦ Πόντου, στάδιοι τεσσαράκοντα. ἐνθένδε ἐσ λιμένα Δάφνησ τῆσ Μαινομένησ καλουμένησ στάδιοι τεσσαράκοντα.

ἀπὸ δὲ Δάφνησ ἐσ Βυζάντιον ὀγδοήκοντα. τάδε μὲν καὶ τὰ ἀπὸ τοῦ Βοσπόρου τοῦ Κιμμερίου ἐπὶ Βόσπορον τὸν Θρᾴκιον καὶ πόλιν Βυζάντιον.

일치하는 문장이 없습니다.

SEARCH

MENU NAVIGATION