호흡부호 보기
강세부호 보기
장단부호 보기
작은 Iota 보기
모든 부호 보기
τὰ δὲ ἀπὸ Βοσπόρου τοῦ Θρᾳκίου ἔστε ἐπὶ Τραπεζοῦντα πόλιν ὧδε ἔχει. κατὰ τὸν Θρᾴκιον Βόσπορον καὶ τὸ στόμα τοῦ Εὐξείνου Πόντου ἐν τοῖσ δεξιοῖσ τῆσ Ἀσίασ μέρεσιν, ἅπερ ἐστὶ τοῦ Βιθυνῶν ἔθνουσ, κεῖται χωρίον λεγόμενον Ιἑρόν, ἐν ᾧ νεώσ ἐστι Διὸσ Οὐρίου οὕτω προσαγορευομένου.
τοῦτο δὲ τὸ χωρίον ἀφετήριόν ἐστι τοῖσ ἐσ τὸν Πόντον πλέουσιν. ἐσπλεύσαντι δὲ ἐσ τὸν Πόντον, ἐν δεξιᾷ δὲ τὴν Ἀσίαν ἔχοντι καὶ περιπλέοντι τὸ ἐχόμενον μέροσ τοῦ Βιθυνῶν ἔθνουσ τὸ πρὸσ τὸν Πόντον κείμενον, ὁ περίπλουσ ὧδε ἔχει.
τὸ Ιἑρὸν τοὺ Διὸσ τοῦ Οὐρίου διέχει ἀπὸ Βυζαντίου σταδίουσ εἴκοσι καὶ ἑκατόν. καὶ ἔστιν Στενότατον ταύτῃ τὸ στόμα τοῦ Πόντου καλούμενον, καθ̓ ὅ τι ἐσβάλλει ἐσ τὴν Προποντίδα. ταῦτα μὲν εἰδότι σοι λέγω.
ἀπὸ δὲ τοῦ Ιἑροῦ πλέοντι ἐν δεξιᾷ Ῥήβασ ποταμόσ· σταδίουσ διέχει τοῦ Ιἑροῦ τοῦ Διὸσ ἐνενήκοντα.
ἔπειτα ἡ Μέλαινα ἄκρα ὧδε καλουμένη, πεντήκοντα καὶ ἑκατόν. ἀπὸ Μελαίνησ ἄκρασ ἐσ Ἀρτάνην ποταμόν, ἵνα καὶ ὁρ́μοσ ναυσὶ σμικραῖσ πρὸσ ἱερῷ Ἀφροδίτησ, πεντήκοντα ἄλλοι καὶ ἑκατόν. ἀπὸ δὲ Ἀρτάνου ἐσ Ψίλλιν ποταμὸν πεντήκοντα καὶ ἑκατόν·
καὶ πλοῖα σμικρὰ ὁρμίζοιτο ἂν πρὸσ τῇ πέτρᾳ τῇ ἀνεχούσῃ οὐ πόρρω ἀπὸ τοῦ ποταμοῦ τῶν ἐκβολῶν. ἐνθένδε ἐσ Κάλπησ λιμένα δέκα καὶ διακόσιοι στάδιοι. ὁ δὲ Κάλπησ λιμὴν ὁποῖόν τι χωρίον ἐστιν καὶ ὁποῖοσ ὁρ́μοσ, καὶ ὅτι πηγὴ ἐν αὐτῷ ψυχροῦ καὶ καθαροῦ ὕδατοσ, καὶ ὅτι ὗλαι πρὸσ τῇ θαλάσσῃ ξύλων ναυπηγησίμων, καὶ αὗται ἔνθηροι, ταῦτα Ξενοφῶντι τῷ πρεσβυτέρῳ λέλεκται.
ἀπὸ Κάλπησ λιμένοσ ἐσ Ῥόην στάδιοι εἴκοσιν·
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기