호흡부호 보기
강세부호 보기
장단부호 보기
작은 Iota 보기
모든 부호 보기
ἀπὸ δὲ τοῦ Φάσιδοσ Χαρίεντα ποταμὸν παρημείψαμεν ναυσίπορον· στάδιοι μεταξὺ ἀμφοῖν ἐνενήκοντα. καὶ ἀπὸ τοῦ Χαρίεντοσ ἐσ Χῶβον ποταμὸν ἐσεπλεύσαμεν ἄλλουσ ἐνενήκοντα, ἵναπερ καὶ ὡρμίσθημεν.
ὧν δὲ ἕνεκα, καὶ ὅσα ἐνταῦθα ἐπράξαμεν, δηλώσει σοι τὰ Ῥωμαϊκὰ γράμματα. ἀπὸ δὲ τοῦ Χώβου Σιγγάμην ποταμὸν παρημείψαμεν ναυσίπορον·
διέχει δὲ τοῦ Χώβου σταδίουσ ἐσ δέκα καὶ διακοσίουσ μάλιστα. ἔχεται δὲ τοῦ Σιγγάμου Ταρσούρασ ποταμόσ· στάδιοι εἴκοσι καὶ ἑκατὸν μεταξὺ ἀμφοῖν. ὁ δὲ Ἵπποσ ποταμὸσ τοῦ Ταρσούρου πεντήκοντα σταδίουσ καὶ ἑκατὸν διέχει, καὶ τοῦ Ἵππου ὁ Ἀστέλεφοσ τριάκοντα. παραμείψαντεσ δὲ τὸν Ἀστέλεφον ἐσ Σεβαστόπολιν ἥκομεν πρὸ μεσημβρίασ, ἀπὸ Χώβου ὁρμηθέντεσ, σταδίουσ εἴκοσι καὶ ἑκατὸν τοὺσ ἀπὸ Ἀστελέφου, ὡσ καὶ τὴν μισθοφορὰν τοῖσ στρατιώταισ δοῦναι τῆσ αὐτῆσ ἡμέρασ, καὶ τοὺσ ἵππουσ καὶ τὰ ὅπλα ἰδεῖν καὶ τοὺσ ἱππέασ ἀναπηδῶντασ ἐπὶ τοὺσ ἵππουσ καὶ τοὺσ κάμνοντασ καὶ τὸν σῖτον, καὶ τὸ τεῖχοσ περιελθεῖν καὶ τὴν τάφρον.
στάδιοι ἀπὸ Χώβου ἐσ Σεβαστόπολιν τριάκοντα καὶ ἑξακόσιοι·
ἀπὸ Τραπεζοῦντοσ δὲ ἐσ Σεβαστόπολιν ἑξήκοντα καὶ διακόσιοι καὶ δισχίλιοι.
ἡ δὲ Σεβαστόπολισ πάλαι Διοσκουριὰσ ἐκαλεῖτο, ἄποικοσ Μιλησίων. ἔθνη δὲ παρημείψαμεν τάδε.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기