헬라어 문장 검색 - Αρριαν́Ινδιξά39́

(아리아노스, Indica, chapter 39)

ἐνθένδε ὁρμηθέντεσ ἐσ Ιἕρατιν πόλιν ἀπίκοντο, ἐσ χῶρον οἰκεόμενον. ἑπτακόσιοι καὶ πεντήκοντα στάδιοι ὁ πλόοσ· ὡρμίσθησαν δὲ ἐν διώρυχι ἀπὸ τοῦ ποταμοῦ ἐμβεβλημένῃ ἐσ θάλασσαν, ᾗ οὔνομα ἦν Ἠράτεμισ. ἅμα δὲ ἡλίῳ ἀνίσχοντι παραπλώουσιν ἐσ ποταμὸν χειμάροον, οὔνομα Πάδαργον, ὁ δὲ χῶροσ χερσόνησοσ ἅπασ.

καὶ ἐν αὐτῷ κῆποί τε πολλοὶ καὶ ἀκρόδρυα παντοῖα ἐφύετο· οὔνομα τῷ χώρῳ Μεσαμβρίη. ἐκ Μεσαμβρίησ δὲ ὁρμηθέντεσ καὶ διεκπλώσαντεσ σταδίουσ μάλιστα ἐσ διηκοσίουσ ἐσ Ταόκην ὁρμίζονται ἐπὶ ποταμῷ Γράνιδι.

καὶ ἀπὸ τούτου ἐσ τὸ ἄνω τὰ Περσέων βασιλήια ἦν, ἀπέχοντα τοῦ ποταμοῦ τῶν ἐκβολέων σταδίουσ ἐσ διηκοσίουσ. κατὰ τοῦτον τὸν παράπλοον λέγει Νέαρχοσ ὀφθῆναι κῆτοσ ἐκβεβλημένον ἐσ τὴν ἠιόνα, καὶ τοῦτο προσπλώσαντάσ τινασ τῶν ναυτέων ἐκμετρῆσαι καὶ φάναι εἶναι πήχεων πεντήκοντα·

δέρμα δὲ αὐτῷ εἶναι φολιδωτόν, οὕτω τι ἐσ βάθοσ ἧκον, ὥστε καὶ ἐπὶ πῆχυν ἐπέχειν·

ὄστρεά τε καὶ λοπάδασ καὶ φυκία πολλά ἔχειν ἐπιπεφυκότα. καὶ δελφῖνασ λέγει ὅτι κατορᾶν ἦν πολλοὺσ ἀμφὶ τῷ κήτεϊ, καὶ τῶν ἐν τῇ ἔσω θαλάσσῃ μέζονασ τοὺ δελφῖνασ. ἐνθένδε ὁρμηθέντεσ κατάγονται ἐσ Ῥόγονιν ποταμὸν χειμάρροον ἐν λιμέντ εὐόρμῳ·

μῆκοσ τοῦ παραπλόου στάδιοι διηκόσιοι. ἐνθένδε τετρακοσίουσ σταδίουσ διεκπλώσαντεσ αὐλίζονται ἐν ποταμῷ χειμαρρόῳ·

Βρίξανα τῷ ποταμῷ οὔνομα. ἐνθαῦτα χαλεπῶσ ὡρμίσαντο, ὅτι ῥηχίη ἦν καὶ βραχέα, καὶ χοιράδεσ ἐκ τοῦ πόντου ἀνεῖχον. ἀλλὰ ὅτε ἡ πλήμμυρα ἐπῄει, τότε ὡρμίσαντο· ὑπονοστήσαντοσ δὲ τοῦ ὕδατοσ, ἐπὶ ξηροῦ ὑπελείφθησαν αἱ νέεσ.

ἐπεὶ δὲ ἡ πλημμυρὶσ ἐν τάξι ἀμείβουσα ἐπανῆλθε, τότε δὴ ἐκπλώσαντεσ ὁρμίζονται ἐπὶ ποταμῷ· οὔνομα σὲ τῷ ποταμῷ Ὀροάτισ.

μέγιστοσ δὲ τῶν ποταμῶν, ὡσ λέγει Νέαρχοσ, ὅσοι ἐν τῷ παραπλόῳ τῷδε ἐμβάλλουσιν ἐσ τὸν ἔξω πόντον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Arrian, Indica, chapter 39

(아리아노스, Indica, chapter 39)

상위

목록

SEARCH

MENU NAVIGATION