헬라어 문장 검색 - Αρριαν́Ινδιξά33́

(아리아노스, Indica, chapter 33)

ἀλλὰ ἔπλωον γὰρ ἀπὸ τοῦ αἰγιαλοῦ ἄραντεσ τῇ γῇ προσεχέεσ, καὶ πλώσαντεσ σταδίουσ ὡσ ἑπτακοσίουσ ἐν ἄλλῳ αἰγιαλῷ ὡρμίσαντο· Νεόπτανα οὔνομα τῷ αἰγιαλῷ. καὶ αὖθισ ὑπὸ τὴν ἑώ ἀνήγοντο, καὶ πλώσαντεσ σταδίουσ ἑκατὸν ὁρμίζονται κατὰ ποταμὸν Ἄναμιν·

ὁ δὲ χῶροσ Ἁρμόζεια ἐκαλέετο. δαψιλέα δὲ ἤδη καὶ πάμφορα τὰ ταύτῃ ἦν, πλὴν ἐλαῖαι οὐκ ἐπεφύκεσαν. ἐνθαῦτα ἐκβαίνουσί τε ἐκ τῶν νεῶν καὶ ἀπὸ τῶν πολλῶν πόνων ἄσμενοι ἀνεπαύοντο, μεμνημένοι ὅσα κακὰ κατὰ τὴν θάλασσαν πεπονθότεσ ἦσαν καὶ πρὸσ τῇ γῇ τῇ Ἰχθυοφάγων, τήν τε ἐρημίην τῆσ χώρησ, καὶ τοὺσ ἀνθρώπουσ ὅκωσ θηριώδεεσ, καὶ τὰσ σφῶν ἀπορίασ ἐπιλεγόμενοι.

καί τινεσ αὐτῶν ἀπὸ θαλάσσησ ἐσ τὸ πρόσω ἀνῆλθον, ἀποσκεδασθέντεσ τῆσ στρατιῆσ κατὰ ζήτησιν ἄλλοσ ἄλλου.

ἐνθαῦτα ἄνθρωπόσ σφισιν ὤφθη χλαμύδα τε φορέων Ἑλληνικὴν καὶ τὰ ἄλλα ὡσ Ἕλλην ἐσκευασμένοσ, καὶ φωνὴν Ἑλλάδα ἐφώνεε.

τοῦτον οἱ πρῶτοι ἰδόντεσ δακρῦσαι ἔλεγον· οὕτω τι παράλογόν σφισι φανῆναι ἐκ τῶν τοσῶνδε κακῶν Ἕλληνα μὲν ἄνθρωπον ἰδεῖν, Ἑλλάδοσ δὲ φωνῆσ ἀκοῦσαι. ἐπηρώτων τε ὁκόθεν ἥκοι καὶ ὅστισ ἐών·

ὃ δὲ ἀπὸ τοῦ στρατοπέδου τοῦ Ἀλεξάνδρου ἀποσκεδασθῆναι ἔλεγε, καὶ εἶναι οὐ πόρρω τὸ στρατόπεδον καὶ αὐτὸν Ἀλέξανδρον. τοῦτον τὸν ἄνθρωπον βοῶντέσ τε καὶ κροτέοντεσ ἀνάγουσι παρὰ τὸν Νέαρχον·

καὶ Νεάρχῳ πάντα ἔφρασε, καὶ ὅτι πέντε ἡμερέων ὁδὸν ἀπέχει τὸ στρατόπεδον καὶ ὁ βασιλεὺσ ἀπὸ τῆσ θαλάσσησ. τόν τε ὕπαρχον τῆσ χώρησ ταύτησ δείξειν ἔφη Νεάρχῳ, καὶ ἔδειξε·

καὶ μετὰ τούτου Νέαρχοσ γνώμην ποιέεται, ὅκωσ ἀναβήσεται πρὸσ τὸν βασιλέα. τότε μὲν δὴ ἐπὶ τὰσ νέασ ἀπῆλθεν·

ὑπὸ δὲ τὴν ἑώ τὰσ νέασ ἐνεώλκεεν, ἐπισκευῆσ τε εἵνεκα, ὅσαι αὐτέων κατὰ τὸν πλόον ἐπεπονήκεσαν, καὶ ἅμα ὅτι ἐν τῷ χώρῳ τούτῳ ὑπολείπεσθαί οἱ ἐδόκεε τὸν πολλὸν στρατόν. χάρακά τε ὦν περιβάλλεται διπλόον τῷ ναυστάθμῳ, καὶ τεῖχοσ γήινον καὶ τάφρον βαθέαν, ἀπὸ τοῦ ποταμοῦ τῆσ ὄχθησ ἀρξάμενοσ ἔστε ἐπὶ τὸν αἰγιαλόν, ἵνα αἱ νέεσ αὐτῷ ἀνειρυσμέναι ἦσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Arrian, Indica, chapter 33

(아리아노스, Indica, chapter 33)

상위

목록

SEARCH

MENU NAVIGATION