헬라어 문장 검색 - Αρριαν́Ινδιξά16́

(아리아노스, Indica, chapter 16)

ἐσθῆτι δὲ Ἰνδοὶ λινέῃ χρέονται, κατάπερ λέγει Νέαρχοσ, λίνου τοῦ ἀπὸ τῶν δενδρέων, ὑπὲρ ὅτων μοι ἤδη λέλεκται. τὸ δὲ λίνον τοῦτο ἢ λαμπρότερον τὴν χροιήν ἐστιν ἄλλου λίνου παντόσ,. ἢ μέλανεσ αὐτοὶ ἐόντεσ λαμπρότερον τὸ λίνον φαίνεσθαι ποιέουσιν. ἔστι δὲ κιθὼν λίνεοσ αὐτοῖσιν ἔστε ἐπὶ μέσην τὴν κνήμην, νῆμα δὲ τὸ μὲν τοῖσιν ὤμοισι περιβεβλημένον, τὸ δὲ περὶ τῇσι κεφαλῇσιν εἰλιγμένον.

καὶ ἐνώτια Ἰνδοὶ φορέουσιν ἐλέφαντοσ, ὅσοι κάρτα εὐδαίμονεσ·

οὐ γὰρ πάντεσ Ἰνδοὶ φορέουσι. τοὺσ δὲ πώγωνασ λέγει Νέαρχοσ ὅτι βάπτονται Ἰνδοὶ χροιὴν ἄλλην καὶ ἄλλην, οἳ μέν, ὡσ λευκοὺσ φαίνεσθαι οἱούσ λευκοτάτουσ, οἳ δὲ κυανέουσ·

τοῖσι δὲ φοινικέουσ εἶναι, τοῖσι δὲ καὶ πορφυρέουσ, ἄλλοισι πρασοειδέασ· καὶ σκιάδια ὅτι προβάλλονται τοῦ θέρεοσ ὅσοι οὔκ ἠμελημένοι Ἰνδῶν.

ὑποδήματα δὲ λευκοῦ δέρματοσ φορέουσι, περισσῶσ καὶ ταῦτα ἠσκημένα· καὶ τὰ ἴχνεα τῶν ὑποδημάτων αὐτοῖσι ποικίλα καὶ ὑψηλά, τοῦ μέζονασ φαίνεσθαι. ὁπλίσιοσ δὲ τῆσ Ἰνδῶν οὐκ ὡυτὸσ εἷσ τρόποσ, ἀλλὰ οἱ μὲν πεζοὶ αὐτοῖσι τόξον τε ἔχουσιν, ἰσόμηκεσ τῷ φορέοντι τὸ τόξον, καὶ τοῦτο κάτω ἐπὶ τὴν γῆν θέντεσ καὶ τῷ ποδὶ τῷ ἀριστερῷ ἀντιβάντεσ, οὕτωσ ἐκτοξεύουσι, τὴν νευρὴν ἐπὶ μέγα ὀπίσω ἀπαγαγόντεσ·

ὁ γὰρ ὀιστὸσ αὐτοῖσιν ὀλίγον ἀποδέων τριπήχεοσ, οὐδέ τι ἀντέχει τοξευθὲν πρὸσ Ἰνδοῦ ἀνδρὸσ τοξικοῦ, οὔτε ἀσπὶσ οὔτε θώρηξ οὔτε εἴ τι καρτερώτερον ἐγένετο.

ἐν δὲ τῇσιν ἀριστερῇσι πέλται εἰσὶν αὐτοῖσιν ὠμοβόιναι, στεινότεραι μὲν ἢ κατὰ τοὺσ φορέοντασ, μήκεϊ δὲ οὐ πολλὸν ἀποδέουσαι.

τοῖσι δὲ ἄκοντεσ ἀντὶ τόξων εἰσί. μάχαιραν δὲ πάντεσ φορέουσι, πλατέαν δὲ καὶ τὸ μῆκοσ οὐ μέζω τριπήχεοσ·

καὶ ταύτην, ἐπεὰν συστάδην καταστῇ αὐτοῖσιν ἡ μάχη ‐ τὸ δὲ οὐκ εὐμαρέωσ Ἰνδοῖσιν ἐσ ἀλλήλουσ γίνεται ‐ ἀμφοῖν τοῖν χεροῖν καταφέρουσιν, τοῦ καρτερὴν τὴν πληγὴν γενέσθαι. οἱ δὲ ἱππέεσ αὐτοῖσιν ἀκόντια δύο ἔχουσιν, οἱᾶ τὰ σαύνια ἀκόντια, καὶ πέλτην σμικροτέρην τῶν πεζῶν.

οἱ δὲ ἵπποι αὐτοῖσιν οὐ σεσαγμένοι εἰσίν, οὐδὲ χαλινοῦνται τοῖσιν Ἑλληνικοῖσι χαλινοῖσιν ἢ τοῖσι Κελτικοῖσιν ἐμφερέωσ, ἀλλὰ περὶ ἄκρῳ τῷ στόματι ἐν κύκλῳ ἔχουσι δέρμα ὠμοβόινον ῥαπτὸν περιηρτημένον, καὶ ἐν τούτῳ χάλκεα κέντρα ἢ σιδήρεα, οὐ κάρτα ὀξέα, ἔσω ἐστραμμένα· τοῖσι δὲ πλουσίοισιν ἐλεφάντινα κέντρα ἐστίν.

ἐν δὲ τῷ στόματι σίδηρον αὐτοῖσιν οἱ ἵπποι ἔχουσιν, οἱο͂́ν περ ὀβελόν, ἔνθεν ἐξηρτημένοι εἰσὶν αὐτοῖσιν οἱ ῥυτῆρεσ· ἐπεὰν ὦν ἐπαγάγωσι τὸν ῥυτῆρα, ὅ τε ὀβελὸσ κρατέει τὸν ἵππον, καὶ τὰ κέντρα, οἱᾶ δὴ ἐξ αὐτοῦ ἠρτημένα, κεντέοντα οὐκ ἐᾷ ἄλλο τι ἢ πείθεσθαι τῷ ῥυτῆρι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Arrian, Indica, chapter 16

(아리아노스, Indica, chapter 16)

상위

목록

SEARCH

MENU NAVIGATION