호흡부호 보기
강세부호 보기
장단부호 보기
작은 Iota 보기
모든 부호 보기
Τὰ ἔξω τοῦ Ἰνδοῦ ποταμοῦ τὰ πρὸσ ἑσπέρην ἔστε ἐπὶ ποταμὸν Κωφῆνα Ἀστακηνοὶ καὶ Ἀσσακηνοί, ἔθνεα Ἰνδικά, ἐποικέουσιν. ἀλλὰ οὔτε μεγάλοι τὰ σώματα, κατάπερ οἱ ἐντὸσ τοῦ Ἰνδοῦ ᾠκισμένοι, οὔτε ἀγαθοὶ ὡσαύτωσ τὸν θυμὸν οὐδὲ μέλανεσ ὡσαύτωσ τοῖσι πολλοῖσιν Ἰνδοῖσιν.
οὗτοι πάλαι μὲν Ἀσσυρίοισιν ὑπήκοοι ἦσαν·
ἐπὶ δὲ Μήδοισι Περσέων ἤκουον, καὶ φόρουσ ἀπέφερον Κύρῳ τῷ Καμβύσεω ἐκ τῆσ γῆσ σφῶν, οὓσ ἔταξε Κῦροσ. Νυσαῖοι δὲ οὐκ Ἰνδικὸν γένοσ ἐστίν, ἀλλὰ τῶν ἅμα Διονύσῳ ἐλθόντων ἐσ τὴν γῆν τὴν Ἰνδῶν, τυχὸν μὲν Ἑλλήνων, ὅσοι ἀπόμαχοι αὐτῶν ἐγένοντο ἐν τοῖσι πολέμοισιν οὕστινασ πρὸσ Ἰνδοὺσ Διόνυσοσ ἐπολέμησε, τυχὸν δὲ καὶ τῶν ἐπιχωρίων.
τοὺσ ἐθέλοντασ τοῖσιν Ἕλλησι συνῴκισε, τήν τε χώρην Νυσαίην ὠνόμασεν ἀπὸ τοῦ οὔρεοσ τῆσ Νύσησ Διόνυσοσ, καὶ τὴν πόλιν αὐτὴν Νῦσαν.
καὶ τὸ οὖροσ τὸ πρὸσ τῇ πόλι, ὅτου ἐν τῇσιν ὑπωρείῃσιν ᾤκισται ἡ Νῦσα, Μηρὸσ κληίζεται ἐπὶ τῇ συμφορῇ ᾗτινι ἐχρήσατο εὐθὺσ γενόμενοσ.
ταῦτα μὲν οἱ ποιηταὶ ἐπὶ Διονύσῳ ἐποίησαν, καὶ ἐξηγείσθων αὐτὰ ὅσοι λόγιοι Ἑλλήνων ἢ βαρβάρων·
ἐν Ἀσσακηνοῖσι δὲ Μάσσακα, πόλισ μεγάλη, ἵναπερ καὶ τὸ κράτοσ τῆσ γῆσ ἐστι τῆσ Ἀσσακίησ·
καὶ ἄλλη πόλισ Πευκελαῗτισ, μεγάλη καὶ αὐτή, οὐ μακρὰν τοῦ Ἰνδοῦ. ταῦτα μὲν ἔξω τοῦ Ἰνδοῦ ποταμοῦ ᾤκισται πρὸσ ἑσπέρην ἔστε ἐπὶ τὸν Κωφῆνα.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기