Arrian, Cynegeticus, chapter 36

(아리아노스, Cynegeticus, chapter 36)

καὶ γὰρ καὶ κύνεσ βλάπτονται, καὶ οἱ ἵπποι χωλεύονται, καὶ οἱ ἄνθρωποι σφάλλονται. καὶ τοῦτό γε δηλοῖ καὶ Ὅμηροσ ἐν τῇ ποιήσει. Τεῦκρον μέν γε τὸν τοξικώτατον Ἑλλήνων ἐν τῷ ἀγῶνι οὔ φησιν τυχεῖν ὅτι μὴ τῆσ μηρίνθου, καὶ ταύτην διακόψαι, ἐπειδὴ μὴ ἐπηύξατο τῶ Ἀπόλλωνι· Μηριόνην δέ, ἄνδρα οὐ τοξικόν, ἐπευξάμενον τῷ Ἀπόλλωνι, ἀποπετομένησ ἤδη τῆσ ὄρνιθοσ τυχεῖν. καὶ τοὺσ ἐκγόνουσ δὲ τῶν ἐπὶ Θήβασ σὺν Πολυνείκει στρατευσάντων ἑλεῖν τὰσ Θήβασ πειθομένουσ τεράεσσι θεῶν καὶ Ζηνὸσ ἀρωγῇ·

τοὺσ δὲ πατέρασ αὐτῶν, οὐδέν τι χείρουσ ἐκείνων ἐσ ἀλκήν γενομένουσ, διαφθαρῆναι ἐν Θήβαισ, ὅτι μὴ ἐπείθοντο τοῖσ σημαινομένοισ ὑπὸ θεῶν. καὶ τὸν Ἕκτορα οὐ πεισθέντα Πουλυδάμαντι οὐκ ἐῶντι ἐπελαύνειν ταῖσ ναυσὶν τῶν Ἑλλήνων ἐπὶ τῷ δράκοντι τῷ καταβληθέντι πρὸσ τοῦ ἀετοῦ, ὡσ οὐ σὺν κόσμῳ ἐπανελευσομένουσ, ὀλίγον ὕστερον ἔργῳ ἀναδιδαχθῆναι ὡσ οὐκ ἀγαθὸν ἀπειθεῖν τῷ θείῳ.

τούτοισ χρὴ πειθομένουσ, καθάπερ ἐπ̓ ἄλλῳ τῳ ἔργῳ, οὕτω δὲ καὶ ἐπὶ θήρᾳ ἄρχεσθαί τε ἀπὸ θεῶν καὶ χαριστήρια θύειν εὖ πράξαντασ καὶ σπένδειν καὶ εὐφημεῖν καὶ στεφανοῦν καὶ ὑμνεῖν καὶ ἀπαρχὰσ τῶν ἁλισκομένων ἀνατιθέναι, οὐ μεῖον ἣ ἐπὶ νίκῃ πολέμου ἀκροθίνια.

일치하는 문장이 없습니다.

SEARCH

MENU NAVIGATION