헬라어 문장 검색 - Αρριαν́Ξψνεγετ́06́

(아리아노스, Cynegeticus, chapter 5)

ἐπεί τοι ἀνέθρεψα ἐγὼ κύνα χαροπὴν οἱάν χαροπωτάτην, καὶ αὕτη ὠκεῖά τε ἦν καὶ φιλόπονοσ καὶ εὔψυχοσ καὶ εὔπουσ, ὥστε καὶ τέσσαρσιν ἤδη ποτὲ λαγῷσ ἐφ̓ ἡλικίασ ἀντήρκεσεν. καὶ τὰ ἄλλα δὲ πραοτάτη τέ ἐστιν ἑ̓́τι γάρ μοι ἦν, ὁπότε ταῦτα ἔγραφον̓ καὶ φιλανθρωποτάτη, καὶ οὔπω πρόσθεν ἄλλη κύων ὡσ αὐτὴ οὔτε ἐμὲ ἐπόθησεν οὔτε τὸν ἑταῖρον τὸν ἐμὸν καὶ σύνθηρον τὸν Μέγιλλον.

ἐπειδὴ γὰρ τοῦ δρόμου ἀπεπαύσατο, οὐκέτι ἡμῶν ἢ θατέρου γε ἀπαλλάσσεται. ἀλλ̓ εἰ μὲν ἐγὼ ἔνδον εἰήν, ἅμα ἐμοὶ διατρίβει, καὶ προϊόντα ποι παραπέμπει, καὶ ἐπὶ γυμνάσιον ἰόντι ἐφομαρτεῖ, καὶ γυμναζομένῳ παρακάθηται, καὶ ἐπανιόντοσ πρόεισιν, θαμινὰ ἐπιστρεφομένη, ὡσ καταμανθάνειν μή πη ἄρα ἐξετράπην τῆσ ὁδοῦ·

ἰδοῦσα δὲ καὶ ἐπιμειδιάσασα αὖθισ αὖ πρόεισιν. εἰ δὲ ἐπί τι ἔργον πολιτικὸν ἰοίμι, ἣ δὲ τῷ ἑταίρῳ τῷ ἐμῷ σύνεστιν, καὶ πρὸσ ἐκεῖνον τὰ αὐτὰ ταῦτα δρᾷ.

ὁπότεροσ δὲ ἡμῶν κάμνοι τὸ σῶμα, ἐκείνου αὖ οὐκ ἀπαλλάσσεται. εἰ δὲ καὶ δἰ ὀλίγου χρόνου ἴδοι, ἐπιφθέγγεται, οἱᾶ φιλοφρονουμένη. καὶ δειπνοῦντι συνοῦσα ἅπτεται ἄλλοτε ἄλλῳ τοῖν ποδοῖν, ὑπομιμνήσκουσα ὅτι κἂν αὐτῇ ἄρα μεταδοτέον εἰή τῶν σιτίων. καὶ μὴν καὶ πολύφθογγόσ ἐστιν, ὡσ οὔπω ἐγὼ ἰδεῖν μοι δοκῶ ἄλλην κύνα· καὶ ὅσων δεῖται τῇ φωνῇ σημαίνει. καὶ ὅτι σκυλακευομένη μάστιγι ἐκολάζετο, εἴ τισ ἐσ τοῦτο ἔτι μάστιγα ὀνομάσειεν, πρόσεισιν τῷ ὀνομάσαντι, καὶ ὑποπτήξασα λιπαρεῖ, καὶ τὸ στόμα ἐφαρμόζει τῷ στόματι ὡσ φιλοῦσα, καὶ ἐπιπηδήσασα ἐκκρέμαται τοῦ αὐχένοσ, καὶ οὐ πρόσθεν ἀνίησιν, πρὶν τῆσ ἀπειλῆσ ἀποπαῦσαι τὸν θυμούμενον.

ὥστε οὐκ ἂν ὀκνῆσαί μοι δοκῶ καὶ τὸ ὄνομα ἀναγράψαι τῆσ κυνόσ, ὡσ καὶ ἐσ ὕστερον ἀπολελεῖφθαι αὐτῆσ, ὅτι ἦν ἄρα Ξενοφῶντι τῷ Ἀθηναίῳ κύων, Ὁρμὴ ὄνομα, ὠκυτάτη τε καὶ σοφωτάτη καὶ πραοτάτη.

ὦτα δὲ μεγάλα ἔστω ταῖσ κυσὶν καὶ μαλθακά, ὥστε ὑπὸ μεγέθουσ καὶ μαλθακότητοσ ἐπικεκλασμένα φαίνεσθαι·

οὕτωσ ἂν εἰή κράτιστα. οὐ μέντοι ἀλλὰ καὶ εἰ ὀρθὰ εἰή, οὐ πονηρόν, εἰ μὴ σμικρά τε εἰή καὶ σκληρά. τράχηλοσ δὲ μακρόσ τε ἔστω καὶ περιφερὴσ καὶ ὑγρόσ·

ὥστε εἰ ἀντιτείνοισ ἀπὸ τῶν δεραίων τὰσ κύνασ ἐσ τοὐπίσω, ἐπικεκλάσθαι δοκεῖν τὸν τράχηλον δἰ ὑγρότητα καὶ μαλθακότητα. στήθη δὲ πλατέα ἀμείνω τῶν στενῶν, καὶ τὰσ ὠμοπλάτασ διεστώσασ ἐχόντων καὶ μὴ συμπεπηγυίασ ἀλλ̓ ὡσ οἱο͂́ν τε λελυμένασ ἀπ̓ ἀλλήλων.

σκέλη στρογγύλα ὀρθὰ εὐπαγῆ, πλευρὰσ γενναίασ· ὀσφὺν πλατεῖαν ἰσχυράν, μὴ σαρκώδη ἀλλὰ νεύροισ πεπηγυῖαν. λαγόνασ ἀνειμένασ, ἰσχία μὴ συνδεδεμένα, κενεῶνασ λαγαρούσ. οὐρὰσ λεπτὰσ μακράσ, δασείασ τὴν τρίχα, ὑγρὰσ εὐκαμπεῖσ, τὸ ἄκρον τῆσ οὐρᾶσ δασύτερον. ὑποκώλια μακρὰ εὐπαγῆ.

σκέλη δὲ εἰ μὲν τὰ ὀπίσθια ἔχοιεν μείζω τῶν ἔμπροσθεν, τὰ ὄρθια ἂν μεταθέοιεν ἄμεινον· εἰ δὲ τὰ ἔμπροσθεν τῶν ὀπισθίων. τὰ κατάντη· εἰ δ̓ ἴσα εἰή ἄμφω, τὰ πεδινά.

ἐπεὶ δὲ χαλεπώτερον ἐν ὀρθίῳ μὴ ἡττηθῆναι λαγῶ, ὅτι καὶ ὁ λαγὼσ τὰ ὄρθια θεῖ ἄμεινον, ἐκεῖναι δοκοῦσιν γενναιότεραι αἱ κύνεσ, ὅσαι τὰ ὄπισθεν μείζω ἔχουσιν τῶν ἔμπροσθεν· πόδεσ δὲ οἱ περιφερεῖσ καὶ στερροὶ κράτιστοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Arrian, Cynegeticus, chapter 5

(아리아노스, Cynegeticus, chapter 5)

상위

목록

SEARCH

MENU NAVIGATION