헬라어 문장 검색 - Αρριαν́Ξψνεγετ́04́

(아리아노스, Cynegeticus, chapter 3)

θηρῶσιν δὲ καὶ Κελτοὶ ἀφαιροῦντεσ τὰ ἄρκυσ, ὅσοι γε οὐκ ἀπὸ κυνηγεσίων βιοτεύουσιν, αὐτοῦ τοῦ ἐν θήρᾳ καλοῦ ἕνεκα· ἔστιν γὰρ καὶ ταύτῃ κυνῶν γένοσ ἰχνεῦσαι μὲν οὐ μεῖον σοφὸν ἢ τὸ Καρικὸν καὶ Κρητικὸν, τὴν δὲ ἰδέαν ἀνιαρὸν καὶ θηριῶδεσ. καὶ αὗται ἰχνεύουσιν σὺν κλαγγῇ καὶ ὑλαγμῷ, ὁπόσα αἱ Καρικαὶ ἐπικλάζουσαι.

ἀλλ̓ αὗταί γε ἔτι μᾶλλον ἔκφρονεσ γίγνονται, ἐπειδὰν αἴσθωνται ἴχνουσ· καὶ ἐστιν ὅτε καὶ ἐπὶ ἑώλοισ ὑπερλαμπρύνονται. ὥστε ἐμεμψάμην ἔγωγε αὐτῶν τὸ πολὺ τῆσ κλαγγῆσ καὶ τὸ ὅμοιον ἐπὶ παντὶ ἴχνει, τῷ δρομαίῳ οὐ μεῖον ἢ τῷ εὐναίῳ.

μεταθεῖν δὲ καὶ ἀνευρίσκειν τὸν ὑποκινήσαντα οὔτε τῶν Καρικῶν φαυλότεραί εἰσιν οὔτε τῶν Κρητικῶν, ὅτι μὴ κατὰ τὴν ὠκύτητα.

ἀγαπητὸν γοῦν εἰ καὶ ἕνα λαγῶ χειμῶνοσ ὡρ́ᾳ κατακάνοιεν· τοσαύτην διατριβὴν ἐσ τὸ ἀναπαύεσθαι αὐτῷ παρέχουσιν, εἰ μή πη ἄρα ὑπὸ θορυβούντων κυνῶν ἁλοίη ἔκφρων γενόμενοσ. καλοῦνται δὲ Ἐγούσιαι αἵδε αἱ κύνεσ, ἀπὸ ἔθνουσ Κελτικοῦ τὴν ἐπωνυμίαν ἔχουσαι, οὗ πρῶτον, ὥσ γέ μοι δοκεῖ, ἔφυσάν τε καὶ ηὐδοκίμησαν. ἀλλ̓ ὑπὲρ μὲν τούτων, ὅσα ἄν τισ τῷ λόγῳ ἐπεξέλθῃ λελεγμένα ἐρεῖ πρὸσ Ξενοφῶντοσ τοῦ πάλαι·

οὐδὲν γὰρ ἴδιον οὐδὲ διάφορον ἐν τῷ μαστεύειν ἢ μεταθεῖν ἐπιδεικνύουσιν, πλήν γε δὴ εἴ τισ ἐθέλοι περὶ τῆσ ἰδέασ αὐτῶν λέγειν, ἧσ ἔμοιγε οὐ δοκεῖ ἄξιον ὅτι μὴ τοῦτο εἰπεῖν μόνον, ὡσ δασεῖαι καὶ πονηραὶ ἰδεῖν, καὶ ὅσαι γενναιόταται αὐτῶν, αὗται αἱ πονηρόταται. ὥστε εὐδοκιμεῖ ἐν Κελτοῖσ ὁ ἀπεικάσασ αὐτὰσ τοῖσ ἀνὰ τὰσ ὁδοὺσ πτωχεύουσιν. καὶ γὰρ φωνὴ αὐταῖσ γοερά τε καὶ ἐλεεινή ἐστιν, καὶ οὐχ ὡσ θυμούμεναι ἄρα πρὸσ τὸ θηρίον ἐπικλάζουσιν ἐν τῇ ἰχνείᾳ, ἀλλ̓ ὡσ οἰκτιζόμεναι καὶ λιπαροῦσαι. περὶ μὲν δὴ τούτων οὐκ ἄν τισ ἀναγράψαι μοι δοκεῖ ὅ τι καὶ λόγου ἄξιον.

αἱ δὲ ποδώκεισ κύνεσ αἱ Κελτικαὶ καλοῦνται μὲν οὐέρτραγοι φωνῇ τῇ Κελτῶν, οὐκ ἀπὸ ἔθνουσ οὐδενόσ, καθάπερ αἱ Κρητικαὶ ἢ Καρικαὶ ἢ Λάκαιναι, ἀλλ̓ ὡσ τῶν Κρητικῶν αἱ διάπονοι ἀπὸ τοῦ φιλοπονεῖν καὶ αἱ ἰταμαὶ ἀπὸ τοῦ ὀξέοσ καὶ αἱ μικταὶ ἀπ̓ ἀμφοῖν, οὕτω δὲ καὶ αὗται ἀπὸ τῆσ ὠκύτητοσ. τὴν δὲ ἰδέαν καλόν τι χρῆμά εἰσιν κατά τε τοὺσ ὀφθαλμοὺσ αἱ γενναιόταται αὐτῶν καὶ κατὰ τὸ σῶμα ἅπαν καὶ τὴν τρίχα καὶ τὴν χρόαν·

οὕτω ταῖσ τε ποικίλαισ ἐπανθεῖ τὸ ποικίλον, καὶ ὅσαισ ἁπλῆ χρόα ἐστίν, ἀποστίλβει καὶ αὕτη, καὶ ἐστιν ἥδιστον θέαμα ἀνδρὶ θηρευτικῷ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Arrian, Cynegeticus, chapter 3

(아리아노스, Cynegeticus, chapter 3)

상위

목록

SEARCH

MENU NAVIGATION