Arrian, Anabasis, book 7, chapter 29

(아리아노스, Anabasis, book 7, chapter 29)

Εἰ δέ τι ἐπλημμελήθη Ἀλεξάνδρῳ δἰ ὀξύτητα ἢ ὑπ̓ ὀργῆσ, ἢ εἴ τι ἐσ τὸ ὑπερογκότερον προήχθη βαρβαρίσαι, οὐ μεγάλα τίθεμαι ἔγωγε, εἰ τὴν νεότητά τέ τισ τὴν Ἀλεξάνδρου μὴ ἀνεπιεικῶσ ἐνθυμηθείη καὶ τὸ διηνεκὲσ τῆσ εὐτυχίασ καὶ τοὺσ πρὸσ ἡδονήν, οὐκ ἐπὶ τῷ βελτίστῳ, τοῖσ βασιλεῦσι ξυνόντασ τε καὶ ἐπὶ κακῷ ξυνεσομένουσ· ἀλλὰ μεταγνῶναί γε ἐφ̓ οἷσ ἐπλημμέλησε μόνῳ οἶδα τῶν πάλαι βασιλέων Ἀλεξάνδρῳ ὑπάρξαι ὑπὸ γενναιότητοσ. οἱ δὲ πολλοί, εἰ καί τι ἔγνωσαν πλημμελήσαντεσ, οἱ δὲ τῷ προηγορεῖν αὐτοῦ, ὡσ καλῶσ δὴ πραχθέντοσ, ἐπικρύψειν οἰόνται τὴν ἁμαρτίαν, κακῶσ γιγνώσκοντεσ.

μόνη γὰρ ἔμοιγε δοκεῖ ἰάσισ ἁμαρτίασ ὁμολογεῖν τε ἁμαρτόντα καὶ δῆλον εἶναι ἐπ̓ αὐτῷ μεταγιγνώσκοντα, ὡσ τοῖσ τε παθοῦσί τι ἄχαρι οὐ πάντῃ χαλεπὰ τὰ παθήματα φαινόμενα, εἰ ὁ δράσασ αὐτὰ ξυγχωροίη ὅτι οὐ καλὰ ἔδρασεν, αὐτῷ τέ τινι ἐσ τὸ μέλλον ταύτην ἐλπίδα ἀγαθὴν ὑπολειπομένην, μή ποτε ἂν παραπλήσιόν τι ἁμαρτεῖν, εἰ τοῖσ πρόσθεν πλημμεληθεῖσιν ἀχθόμενοσ φαίνοιτο. ὅτι δὲ ἐσ θεὸν τὴν γένεσιν τὴν αὑτοῦ ἀνέφερεν, οὐδὲ τοῦτο ἐμοὶ δοκεῖ μέγα εἶναι αὐτῷ τὸ πλημμέλημα, εἰ μὴ καὶ σόφισμα ἦν τυχὸν ἐσ τοὺσ ὑπηκόουσ τοῦ σεμνοῦ ἕνεκα.

οὔκουν δοκεῖ ἔμοιγε ἢ Μίνωοσ γενέσθαι βασιλεὺσ ἀφανέστεροσ ἢ Αἰακοῦ ἢ Ῥαδαμάνθυοσ, οἷσ δὴ ἐσ Δία ἀνενεχθεῖσα ἡ γένεσισ πρὸσ τῶν πάλαι ἀνθρώπων οὐδεμιᾷ αὐτῶν ὕβρει προστίθεται, οὐδὲ Θησέωσ τοῦ Ποσειδῶνοσ οὐδὲ Ιὤνοσ τοῦ Ἀπόλλωνοσ. ὡσ ἔμοιγε καὶ ἡ Περσικὴ σκευὴ σόφισμα δοκεῖ εἶναι πρόσ τε τοὺσ βαρβάρουσ, ὡσ μὴ πάντῃ ἀλλότριον αὐτῶν φαίνεσθαι τὸν βασιλέα, καὶ πρὸσ τοὺσ Μακεδόνασ, ὡσ ἀποστροφήν τινα εἶναι αὐτῷ ἀπὸ τῆσ ὀξύτητόσ τε καὶ ὕβρεωσ τῆσ Μακεδονικῆσ·

ἐφ̓ ὅτῳ δὴ καὶ ἐγκαταμῖξαί μοι δοκεῖ ταῖσ τάξεσιν αὐτῶν τοὺσ Πέρσασ τοὺσ μηλοφόρουσ καὶ τοῖσ ἀγήμασι τοὺσ ὁμοτίμουσ. καὶ οἱ πότοι δέ, ὡσ λέγει Ἀριστόβουλοσ, οὐ τοῦ οἴνου ἕνεκα μακροὶ αὐτῷ ἐγίγνοντο, οὐ γὰρ πίνειν πολὺν οἶνον Ἀλέξανδρον, ἀλλὰ φιλοφροσύνησ τῆσ ἐσ τοὺσ ἑταίρουσ.

일치하는 문장이 없습니다.

SEARCH

MENU NAVIGATION