헬라어 문장 검색 - Αρριαν́Αναβασί7́19́

(아리아노스, Anabasis, book 7, chapter 19)

Παρελθόντι δ̓ αὐτῷ ἐσ Βαβυλῶνα πρεσβεῖαι παρὰ τῶν Ἑλλήνων ἐνέτυχον, ὑπὲρ ὅτων μὲν ἕκαστοι πρεσβευόμενοι οὐκ ἀναγέγραπται, δοκεῖν δ̓ ἔμοιγε αἱ πολλαὶ στεφανούντων τε αὐτὸν ἦσαν καὶ ἐπαινούντων ἐπὶ ταῖσ νίκαισ ταῖσ τε ἄλλαισ καὶ μάλιστα ταῖσ Ἰνδικαῖσ, καὶ ὅτι σῶοσ ἐξ Ἰνδῶν ἐπανήκει χαίρειν φασκόντων. καὶ τούτουσ δεξιωσάμενόσ τε καὶ τὰ εἰκότα τιμήσασ ἀποπέμψαι ὀπίσω λέγεται. ὅσουσ δὲ ἀνδριάντασ ἢ ὅσα ἀγάλματα ἢ εἰ δή τι ἄλλο ἀνάθημα ἐκ τῆσ Ἑλλάδοσ Ξέρξησ ἀνεκόμισεν ἐσ Βαβυλῶνα ἢ ἐσ Πασαργάδασ ἢ ἐσ Σοῦσα ἢ ὅπῃ ἄλλῃ τῆσ Ἀσίασ, ταῦτα δοῦναι ἄγειν τοῖσ πρέσβεσι·

καὶ τὰσ Ἁρμοδίου καὶ Ἀριστογείτονοσ εἰκόνασ τὰσ χαλκᾶσ οὕτω λέγεται ἀπενεχθῆναι ὀπίσω ἐσ Ἀθήνασ καὶ τῆσ Ἀρτέμιδοσ τῆσ Κελκέασ τὸ ἕδοσ. Κατέλαβε δὲ ἐν Βαβυλῶνι, ὡσ λέγει Ἀριστόβουλοσ, καὶ τὸ ναυτικόν, τὸ μὲν κατὰ τὸν Εὐφράτην ποταμὸν ἀναπεπλευκὸσ ἀπὸ θαλάσσησ τῆσ Περσικῆσ, ὅ τι περ σὺν Νεάρχῳ ἦν, τὸ δὲ ἐκ Φοινίκησ ἀνακεκομισμένον, πεντήρεισ μὲν δύο τῶν ἐκ Φοινίκων, τετρήρεισ δὲ τρεῖσ, τριήρεισ δὲ δώδεκα, τριακοντόρουσ δὲ ἐσ τριάκοντα· ταύτασ ξυντμηθείσασ κομισθῆναι ἐπὶ τὸν Εὐφράτην ποταμὸν ἐκ Φοινίκησ ἐσ Θάψακον πόλιν, ἐκεῖ δὲ ξυμπηχθείσασ αὖθισ καταπλεῦσαι ἐσ Βαβυλῶνα. λέγει δὲ ὅτι καὶ ἄλλοσ αὐτῷ ἐναυπηγεῖτο στόλοσ τέμνοντι τὰσ κυπαρίσσουσ τὰσ ἐν τῇ Βαβυλωνίᾳ· τούτων γὰρ μόνων τῶν δένδρων εὐπορίαν εἶναι ἐν τῇ χώρᾳ τῶν Ἀσσυρίων, τῶν δὲ ἄλλων ὅσα ἐσ ναυπηγίαν ἀπόρωσ ἔχειν τὴν γῆν ταύτην·

πληρώματα δὲ ἐσ τὰσ ναῦσ καὶ τὰσ ἄλλασ ὑπηρεσίασ πορφυρέων τε πλῆθοσ καὶ τῶν ἄλλων ὅσοι ἐργάται τῆσ θαλάσσησ ἀφῖχθαι αὐτῷ ἐκ Φοινίκησ τε καὶ τῆσ ἄλλησ παραλίασ· λιμένα τε ὅτι πρὸσ Βαβυλῶνι ἐποίει ὀρυκτὸν ὅσον χιλίαισ ναυσὶ μακραῖσ ὁρ́μον εἶναι καὶ νεωσοίκουσ ἐπὶ τοῦ λιμένοσ. καὶ Μίκκαλοσ ὁ Κλαζομένιοσ μετὰ πεντακοσίων ταλάντων ἐπὶ Φοινίκησ τε καὶ Συρίασ ἐστέλλετο, τοὺσ μὲν μισθῷ πείσων, τοὺσ δὲ καὶ ὠνησόμενοσ ὅσοι θαλάττιοι ἄνθρωποι.

τήν τε γὰρ παραλίαν τὴν πρὸσ τῷ κόλπῳ τῷ Περσικῷ κατοικίζειν ἐπενόει καὶ τὰσ νήσουσ τὰσ ταύτῃ. ἐδόκει γὰρ αὐτῷ οὐ μεῖον ἂν Φοινίκησ εὐδαίμων ἡ χώρα αὕτη γενέσθαι. ἦν δὲ αὐτῷ τοῦ ναυτικοῦ ἡ παρασκευὴ ὡσ ἐπὶ Ἄραβασ τοὺσ πολλούσ, πρόφασιν μέν, ὅτι μόνοι τῶν ταύτῃ βαρβάρων οὔτε πρεσβείαν ἀπέστειλαν οὔτε τι ἄλλο ἐπιεικὲσ ἢ ἐπὶ τιμῇ ἐπέπρακτο Ἄραψιν ἐσ αὐτόν·

τὸ δὲ ἀληθέσ, ὥσ γέ μοι δοκεῖ, ἄπληστοσ ἦν τοῦ κτᾶσθαί τι ἀεὶ Ἀλέξανδροσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Arrian, Anabasis, book 7, chapter 19

(아리아노스, Anabasis, book 7, chapter 19)

상위

목록

SEARCH

MENU NAVIGATION