헬라어 문장 검색 - Αρριαν́Αναβασί3́24́

(아리아노스, Anabasis, book 3, chapter 24)

Αὐτὸσ δὲ προῆγεν ὡσ ἐπὶ Μάρδουσ, ἀναλαβὼν τούσ τε ὑπασπιστὰσ καὶ τοὺσ τοξότασ καὶ τοὺσ Ἀγριᾶνασ καὶ τὴν Κοίνου καὶ Ἀμύντου τάξιν καὶ τῶν ἑταίρων ἱππέων τοὺσ ἡμίσεασ καὶ τοὺσ ἱππακοντιστάσ· ἤδη γὰρ αὐτῷ καὶ ἱππακοντισταὶ τάξισ ἦσαν. ἐπελθὼν δὲ τὸ πολὺ μέροσ τῆσ χώρασ τῶν Μάρδων πολλοὺσ μὲν ἀπέκτεινεν αὐτῶν φεύγοντασ, οὓσ δέ τινασ ἐσ ἀλκὴν τετραμμένουσ, πολλοὺσ δὲ ζῶντασ ἔλαβεν.

οὐ γὰρ ἔστιν ὅστισ χρόνου ἐμβεβλήκει ἐσ τὴν γῆν αὐτῶν ἐπὶ πολέμῳ διά τε δυσχωρίαν καὶ ὅτι πένητεσ οἱ Μάρδοι καὶ μάχιμοι ἐπὶ τῇ πενίᾳ ἦσαν. οὔκουν οὐδὲ Ἀλέξανδρον ἐμβαλεῖν ἄν ποτε δείσαντεσ, ἄλλωσ τε καὶ προκεχωρηκότα ἤδη ἐσ τὸ πρόσω, ταύτῃ μᾶλλόν τι ἀφύλακτοι ἡλίσκοντο. πολλοὶ δὲ αὐτῶν καὶ ἐσ τὰ ὄρη κατέφυγον, ἃ δὴ ὑπερύψηλά τε καὶ ἀπότομα αὐτοῖσ ἐν τῇ χώρᾳ ἐστίν, ὡσ πρὸσ ταῦτά γε οὐχ ἥξοντα Ἀλέξανδρον.

ἐπεὶ δὲ καὶ ταύτῃ προσῆγεν, οἱ δὲ πέμψαντεσ πρέσβεισ σφᾶσ τε αὐτοὺσ ἐνέδοσαν καὶ τὴν χώραν· καὶ Ἀλέξανδροσ αὐτοὺσ μὲν ἀφῆκεν, σατράπην δὲ ἀπέδειξεν αὐτῶν Αὐτοφραδάτην, ὅνπερ καὶ Ταπούρων. Αὐτὸσ δὲ ἐπανελθὼν εἰσ τὸ στρατόπεδον, ἔνθενπερ ὡρμήθη ἐσ τῶν Μάρδων τὴν γῆν, κατέλαβε τοὺσ Ἕλληνασ τοὺσ μισθοφόρουσ ἥκοντασ καὶ τοὺσ Λακεδαιμονίων πρέσβεισ, οἳ παρὰ βασιλέα Δαρεῖον ἐπρέσβευον, Καλλιστρατίδαν τε καὶ Παύσιππον καὶ Μόνιμον καὶ Ὀνόμαντα, καὶ Ἀθηναίων Δρωπίδην.

τούτουσ μὲν δὴ ξυλλαβὼν ἐν φυλακῇ εἶχε, τοὺσ Σινωπέων δὲ ἀφῆκεν, ὅτι Σινωπεῖσ οὔτε τοῦ κοινοῦ τῶν Ἑλλήνων μετεῖχον, ὑπὸ Πέρσαισ τε τεταγμένοι οὑκ ἀπεικότα ποιεῖν ἐδόκουν παρὰ τὸν βασιλέα σφῶν πρεσβεύοντεσ. ἀφῆκεν δὲ καὶ τῶν ἄλλων Ἑλλήνων, ὅσοι πρὸ τῆσ εἰρήνησ τε καὶ τῆσ ξυμμαχίασ τῆσ πρὸσ Μακεδόνασ γενομένησ παρὰ Πέρσαισ ἐμισθοφόρουν, καὶ Καλχηδονίων Ἡρακλείδην τὸν πρεσβευτὴν ἀφῆκεν·

τοὺσ δὲ ἄλλουσ ξυστρατεύεσθαί οἱ ἐπὶ μισθῷ τῷ αὐτῶ ἐκέλευσε· καὶ ἐπέταξεν αὐτοῖσ Ἀνδρόνικον, ὅσπερ ἤγαγέ τε αὐτοὺσ καὶ ἔνδηλοσ γεγόνει οὐ φαῦλον ποιούμενοσ σῶσαι τοὺσ ἄνδρασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Arrian, Anabasis, book 3, chapter 24

(아리아노스, Anabasis, book 3, chapter 24)

상위

목록

SEARCH

MENU NAVIGATION