헬라어 문장 검색 - Αρριαν́Αναβασί3́12́

(아리아노스, Anabasis, book 3, chapter 12)

ἐπέταξε δὲ καὶ δευτέραν τάξιν ὡσ εἶναι τὴν φάλαγγα ἀμφίστομον. καὶ παρηγγέλλετο τοῖσ ἡγεμόσι τῶν ἐπιτεταγμένων, εἰ κυκλουμένουσ τοὺσ σφῶν πρὸσ τοῦ Περσικοῦ στρατεύματοσ κατίδοιεν, ἐπιστρέψαντασ ἐσ τὸ ἔμπαλιν δέχεσθαι τοὺσ βαρβάρουσ· ἐσ ἐπικαμπὴν δέ, εἴ που ἀνάγκη καταλαμβάνοι ἢ ἀναπτύξαι ἢ ξυγκλεῖσαι τὴν φάλαγγα, κατὰ μὲν τὸ δεξιὸν κέρασ ἐχόμενοι τῆσ βασιλικῆσ ἴλησ τῶν Ἀγριάνων ἐτάχθησαν οἱ ἡμίσεεσ, ὧν ἡγεῖτο Ἄτταλοσ, καὶ μετὰ τούτων οἱ Μακεδόνεσ οἱ τοξόται, ὧν Βρίσων ἦρχεν, ἐχόμενοι δὲ τῶν τοξοτῶν οἱ ἀρχαῖοι καλούμενοι ξένοι καὶ ἄρχων τούτων Κλέανδροσ.

προετάχθησαν δὲ τῶν τε Ἀγριάνων καὶ τῶν τοξοτῶν οἵ τε πρόδρομοι ἱππεῖσ καὶ οἱ Παίονεσ, ὧν Ἀρέτησ καὶ Ἀρίστων ἡγοῦντο.

ξυμπάντων δὲ προτεταγμένοι ἦσαν οἱ μισθοφόροι ἱππεῖσ, ὧν Μενίδασ ἦρχε. τῆσ δὲ βασιλικῆσ ἴλησ καὶ τῶν ἄλλων ἑταίρων προτεταγμένοι ἦσαν τῶν τε Ἀγριάνων καὶ τῶν τοξοτῶν οἱ ἡμίσεεσ, καὶ οἱ Βαλάκρου ἀκοντισταί· οὗτοι κατὰ τὰ ἁρ́ματα τὰ δρεπανηφόρα ἐτετάχατο. Μενίδᾳ δὲ καὶ τοῖσ ἀμφ̓ αὐτὸν παρήγγελτο, εἰ περιϊππεύοιεν οἱ πολέμιοι τὸ κέρασ σφῶν, ἐσ πλαγίουσ ἐμβάλλειν αὐτοὺσ ἐπικάμψαντασ.

τὰ μὲν ἐπὶ τοῦ δεξιοῦ κέρωσ οὕτωσ ἐτέτακτο Ἀλεξάνδρῳ· κατὰ δὲ τὸ εὐώνυμον ἐσ ἐπικαμπὴν οἵ τε Θρᾷκεσ ἐτετάχατο, ὧν ἡγεῖτο Σιτάλκησ, καὶ ἐπὶ τούτοισ οἱ ξύμμαχοι ἱππεῖσ, ὧν ἦρχε Κοίρανοσ, ἐπὶ δὲ οἱ Ὀδρύσαι ἱππεῖσ, ὧν ἡγεῖτο Ἀγάθων ὁ Τυρίμμα. ξυμπάντων δὲ ταύτῃ προετάχθη ἡ ξενικὴ ἵπποσ ἡ τῶν μισθοφόρων, ὧν Ἀνδρόμαχοσ ὁ Ιἕρωνοσ ἦρχεν.

ἐπὶ δὲ τοῖσ σκευοφόροισ οἱ ἀπὸ Θρᾴκησ πεζοὶ ἐσ φυλακὴν ἐτάχθησαν. ἦν δὲ ἡ πᾶσα στρατιὰ Ἀλεξάνδρου ἱππεῖσ μὲν ἐσ ἑπτακτσχιλίουσ, πεζοὶ δὲ ἀμφὶ τὰσ τέσσαρασ μυριάδασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Arrian, Anabasis, book 3, chapter 12

(아리아노스, Anabasis, book 3, chapter 12)

상위

목록

SEARCH

MENU NAVIGATION