헬라어 문장 검색 - Αρριαν́Αναβασί2́20́

(아리아노스, Anabasis, book 2, chapter 20)

καὶ Ἔνυλοσ ὁ Βύβλου ὡσ ἔμαθον τὰσ πόλεισ σφῶν ὑπ̓ Ἀλεξάνδρου ἐχομένασ, ἀπολιπόντεσ Αὐτοφραδάτην τε καὶ τὰσ ξὺν αὐτῷ νέασ παῤ Ἀλέξανδρον ξὺν τῷ ναυτικῷ τῷ σφετέρῳ ἀφίκοντο καὶ αἱ τῶν Σιδωνίων τριήρεισ σὺν αὐτοῖσ, ὥστε Φοινίκων μὲν νῆεσ ὀγδοήκοντα μάλιστα αὐτῷ παρεγένοντο. ἧκον δὲ ἐν ταῖσ αὐταῖσ ἡμέραισ καὶ ἐκ Ῥόδου τριήρεισ ἥ τε περίπολοσ καλουμένη καὶ ξὺν ταύτῃ ἄλλαι ἐννέα, καὶ ἐκ Σόλων καὶ Μαλλοῦ τρεῖσ τρεῖσ καὶ Λύκιαι δέκα, ἐκ Μακεδονίασ δὲ πεντηκόντοροσ, ἐφ̓ ἧσ Πρωτέασ ὁ Ἀνδρονίκου ἐπέπλει.

οὐ πολλῷ δὲ ὕστερον καὶ οἱ τῆσ Κύπρου βασιλεῖσ ἐσ τὴν Σιδῶνα κατέσχον ναυσὶν ἑκατὸν μάλιστα καὶ εἴκοσιν, ἐπειδὴ τήν τε ἧσσαν τὴν κατ̓ Ἰσσὸν Δαρείου ἐπύθοντο καὶ ἡ Φοινίκη πᾶσα ἐχομένη ἤδη ὑπὸ Ἀλεξάνδρου ἐφόβει αὐτούσ.

καὶ τούτοισ πᾶσιν ἔδωκεν Ἀλέξανδροσ ἄδειαν τῶν πρόσθεν, ὅτι ὑπ̓ ἀνάγκησ μᾶλλόν τι ἢ κατὰ γνώμην τὴν σφῶν ἐδόκουν ξυνταχθῆναι τοῖσ Πέρσαισ ἐσ τὸ ναυτικόν. Ἐν ᾧ δὲ αἵ τε μηχαναὶ αὐτῷ ξυνεπήγνυντο καὶ αἱ νῆεσ ὡσ εἰσ ἐπίπλουν τε καὶ ναυμαχίασ ἀπόπειραν ἐξηρτύοντο, ἐν τούτῳ δὲ ἀναλαβὼν τῶν τε ἱππέων ἴλασ ἔστιν ἃσ καὶ τοὺσ ὑπασπιστὰσ καὶ τοὺσ Ἀγριᾶνάσ τε καὶ τοὺσ τοξότασ ἐπ̓ Ἀραβίασ στέλλεται εἰσ τὸν Ἀντιλίβανον καλούμενον τὸ ὄροσ·

καὶ τὰ μὲν βίᾳ τῶν ταύτῃ ἐξελών, τὰ δὲ ὁμολογίᾳ παραστησάμενοσ ἐν δέκα ἡμέραισ ἐπανῆγεν ἐσ τὴν Σιδῶνα, καὶ καταλαμβάνει Κλέανδρον τὸν Πολεμοκράτουσ ἐκ Πελοποννήσου ἥκοντα καὶ ξὺν αὐτῷ μισθοφόρουσ Ἕλληνασ ἐσ τετρακισχιλίουσ.

Ὡσ δὲ συνετέτακτο αὐτῷ τὸ ναυτικόν, ἐπιβιβάσασ τοῖσ καταστρώμασι τῶν ὑπασπιστῶν ὅσοι ἱκανοὶ ἐδόκουν ἐσ τὸ ἔργον, εἰ μὴ διέκπλοισ μᾶλλόν τι ἢ ἐν χερσὶν ἡ ναυμαχία γίγνοιτο, ἄρασ ἐκ τῆσ Σιδῶνοσ ἐπέπλει τῇ Τύρῳ ξυντεταγμέναισ ταῖσ ναυσίν, αὐτὸσ μὲν κατὰ τὸ δεξιὸν κέρασ, ὃ δὴ ἐσ τὸ πέλαγοσ αὐτῷ ἀνεῖχε, καὶ ξὺν αὐτῷ οἵ τε Κυπρίων βασιλεῖσ καὶ ὅσοι Φοινίκων, πλὴν Πνυταγόρου.

οὗτοσ δὲ καὶ Κρατερὸσ τὸ εὐώνυμον κέρασ εἶχον τῆσ πάσησ τάξεωσ. Φοινίκων ξυμπάσασ Ἀλέξανδρον ἔχοντἀ καὶ ἅμα ξυντεταγμένωσ τοῦ ἐπίπλου γιγνομένου ὁ̓λίγον γὰρ πρὶν προσχεῖν τῇ πόλει ἀνεκώχευσαν ἔτι πελάγιαι αἱ ξὺν Ἀλεξάνδρῳ νῆεσ, εἴ πωσ ἄρα ἐσ ναυμαχίαν τοὺσ Τυρίουσ προκαλέσαιντο, ἔπειτα οὕτωσ ξυνταξάμενοι, ὡσ οὐκ ἀντανήγοντο, πολλῷ τῷ ῥοθίῳ ἐπέπλεον̓ ‐ ταῦτα ὁρῶντεσ οἱ Τύριοι ναυμαχεῖν μὲν ἀπέγνωσαν, τριήρεσι δὲ ὅσασ τῶν λιμένων τὰ στόματα ἐδέχοντο βύζην τὸν ἔσπλουν φραξάμενοι ἐφύλασσον, ὡσ μὴ ἐσ τῶν λιμένων τινὰ ἐγκαθορμισθῆναι τῶν πολεμίων τὸν στόλον.

Ἀλέξανδροσ δέ, ὡσ οὐκ ἀντανήγοντο οἱ Τύριοι, ἐπέπλει τῇ πόλει·

καὶ ἐσ μὲν τὸν λιμένα τὸν πρὸσ Σιδῶνοσ βιάζεσθαι ἀπέγνω διὰ στενότητα τοῦ στόματοσ καὶ ἅμα ἀντιπρώροισ τριήρεσι πολλαῖσ ὁρῶν πεφραγμένον τὸν ἔσπλουν, τρεῖσ δὲ τὰσ ἐξωτάτω ἐφορμούσασ τῷ στόματι τριήρεισ προσπεσόντεσ οἱ Φοίνικεσ καὶ ἀντίπρωροι ἐμβαλόντεσ καταδύουσιν· οἱ δὲ ἐν ταῖσ ναυσὶν οὐ χαλεπῶσ ἀπενήξαντο ἐσ τὴν γῆν φιλίαν οὖσαν. τότε μὲν δὴ οὐ πόρρω τοῦ ποιητοῦ χώματοσ κατὰ τὸν αἰγιαλόν, ἵνα σκέπη τῶν ἀνέμων ἐφαίνετο, οἱ δὺν Ἀλεξάνδρῳ ὡρμίσαντο·

τῇ δὲ ὑστεραίᾳ τοὺσ μὲν Κυπρίουσ ξὺν ταῖσ σφετέραισ ναυσὶ καὶ Ἀνδρομάχῳ τῷ ναυάρχῳ κατὰ τὸν λιμένα τὸν ἐκ Σιδῶνοσ φέροντα ἐκέλευσεν ἐφορμεῖν τῇ πόλει, τοὺσ δὲ Φοίνικασ κατὰ τὸν ἐπέκεινα τοῦ χώματοσ τὸν πρὸσ Αἴγυπτον ἀνέχοντα, ἵνα καὶ αὐτῷ ἡ σκηνὴ ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Arrian, Anabasis, book 2, chapter 20

(아리아노스, Anabasis, book 2, chapter 20)

상위

목록

SEARCH

MENU NAVIGATION