헬라어 문장 검색 - Αρριαν́Αναβασί2́12́

(아리아노스, Anabasis, book 2, chapter 12)

Τῇ δὲ ὑστεραίᾳ, καίπερ τετρωμένοσ τὸν μηρὸν ξίφει Ἀλέξανδροσ, ὁ δὲ τοὺσ τραυματίασ ἐπῆλθε, καὶ τοὺσ νεκροὺσ ξυναγαγὼν ἔθαψε μεγαλοπρεπῶσ ξὺν τῇ δυνάμει πάσῃ ἐκτεταγμένῃ ὡσ λαμπρότατα ἐσ πόλεμον· καὶ λόγῳ τε ἐπεκόσμησεν ὅσοισ τι διαπρεπὲσ ἔργον ἐν τῇ μάχῃ ἢ αὐτὸσ ξυνέγνω εἰργασμένον ἢ ἀκοῇ συμφωνούμενον ἔμαθεν, καὶ χρημάτων ἐπιδόσει ὡσ ἑκάστουσ ξὺν τῇ ἀξίᾳ ἐτίμησεν. καὶ Κιλικίασ μὲν ἀποδεικνύει σατράπην Βάλακρον τὸν Νικάνοροσ, ἕνα τῶν σωματοφυλάκων τῶν βασιλικῶν, ἀντὶ δὲ τούτου ἐσ τοὺσ σωματοφύλακασ κατέλεξε Μένητα τὸν Διονυσίου·

ἀντὶ δὲ Πτολεμαίου τοῦ Σελεύκου τοῦ ἀποθανόντοσ ἐν τῇ μάχῃ Πολυπέρχοντα τὸν Σιμμίου ἄρχειν ἀπέδειξε τῆσ ἐκείνου τάξεωσ. καὶ Σολεῦσι τά τε πεντήκοντα τάλαντα, ἃ ἔτι ἐνδεᾶ ἦν ἐκ τῶν ἐπιβληθέντων Σφίσι χρημάτων, ἀνῆκεν καὶ τοὺσ ὁμήρουσ ἀπέδωκεν. Ὁ δὲ οὐδὲ τῆσ μητρὸσ τῆσ Δαρείου οὐδὲ τῆσ γυναικὸσ ἢ τῶν παίδων ἠμέλησεν.

ἀλλὰ λέγουσί τινεσ τῶν τὰ Ἀλεξάνδρου γραψάντων τῆσ νυκτὸσ αὐτῆσ, ᾗ ἀπὸ τῆσ διώξεωσ τῆσ Δαρείου ἐπανῆκεν, ἐσ τὴν σκηνὴν παρελθόντα αὐτὸν τὴν Δαρείου, ἥτισ αὐτῷ ἐξῃρημένη ἦν, ἀκοῦσαι γυναικῶν οἰμωγὴν καὶ ἄλλον τοιοῦτον θόρυβον οὐ πόρρω τῆσ σκηνῆσ· πυθέσθαι οὖν αἵτινεσ γυναῖκεσ καὶ ἀνθ̓ ὅτου οὕτωσ ἐγγὺσ παρασκηνοῦσι·

καί τινα ἐξαγγεῖλαι, ὅτι· ὦ βασιλεῦ, ἡ μήτηρ τε καὶ ἡ γυνὴ Δαρείου καὶ οἱ παῖδεσ, ὡσ ἐξηγγέλθη αὐταῖσ ὅτι τὸ τόξον τε τοῦ Δαρείου ἔχεισ καὶ τὸν κάνδυν τὸν βασιλικὸν καὶ ἡ ἀσπὶσ ὅτι κεκόμισται ὀπίσω ἡ Δαρείου, ὡσ ἐπὶ τεθνεῶτι Δαρείῳ ἀνοιμώζουσιν. ταῦτα ἀκούσαντα Ἀλέξανδρον πέμψαι πρὸσ αὐτὰσ Λεοννάτον, ἕνα τῶν ἑταίρων, ἐντειλάμενον φράσαι ὅτι ζῇ Δαρεῖοσ, τὰ δὲ ὅπλα καὶ τὸν κάνδυν ὅτι φεύγων ἀπέλιπεν ἐπὶ τῷ ἁρ́ματι καὶ ταῦτα ὅτι μόνα ἔχει Ἀλέξανδροσ.

καὶ Λεοννάτον παρελθόντα ἐσ τὴν σκηνὴν τά τε περὶ Δαρείου εἰπεῖν καὶ ὅτι τὴν θεραπείαν αὐταῖσ ξυγχωρεῖ Ἀλέξανδροσ τὴν βασιλικὴν καὶ τὸν ἄλλον κόσμον καὶ καλεῖσθαι βασιλίσσασ, ἐπεὶ οὐδὲ κατὰ ἔχθραν οἱ γενέσθαι τὸν πόλεμον πρὸσ Δαρεῖον, ἀλλ̓ ὑπὲρ τῆσ ἀρχῆσ τῆσ Ἀσίασ διαπεπολεμῆσθαι ἐννόμωσ. ταῦτα μὲν Πτολεμαῖοσ καὶ Ἀριστόβουλοσ λέγουσι·

λόγοσ δὲ ἔχει καὶ αὐτὸν Ἀλέξανδρον τῇ ὑστεραίᾳ ἐλθεῖν εἴσω ξὺν Ἡφαιστίωνι μόνῳ τῶν ἑταίρων· καὶ τὴν μητέρα τὴν Δαρείου ἀμφιγνοήσασαν ὅστισ ὁ βασιλεὺσ εἰή αὐτοῖν, ἐστάλθαι γὰρ ἄμφω τῷ αὐτῷ κόσμῳ, τὴν δὲ Ἡφαιστίωνι προσελθεῖν καὶ προσκυνῆσαι, ὅτι μείζων ἐφάνη ἐκεῖνοσ. ὡσ δὲ ὁ Ἡφαιστίων τε ὀπίσω ὑπεχώρησε καὶ τισ τῶν ἀμφ̓ αὐτήν, τὸν Ἀλέξανδρον δείξασ, ἐκεῖνον ἔφη εἶναι Ἀλέξανδρον, τὴν μὲν καταιδεσθεῖσαν τῇ διαμαρτίᾳ ὑποχωρεῖν, Ἀλέξανδρον δὲ οὐ φάναι αὐτὴν ἁμαρτεῖν·

καὶ γὰρ ἐκεῖνον εἶναι Ἀλέξανδρον. καὶ ταῦτα ἐγὼ οὔθ̓ ὡσ ἀληθῆ οὔτε ὡσ πάντῃ ἄπιστα ἀνέγραψα.

ἀλλ̓ εἴτε οὕτωσ ἐπράχθη, ἐπαινῶ Ἀλέξανδρον τῆσ τε ἐσ τὰσ γυναῖκασ κατοικτίσεωσ καὶ τῆσ ἐσ τὸν ἑταῖρον πίστεωσ καὶ τιμῆσ· εἴτε πιθανὸσ δοκεῖ τοῖσ συγγράψασιν Ἀλέξανδροσ ὡσ καὶ ταῦτα ἂν πράξασ καὶ εἰπὼν, καὶ ἐπὶ τῷδε ἐπαινῶ Ἀλέξανδρον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Arrian, Anabasis, book 2, chapter 12

(아리아노스, Anabasis, book 2, chapter 12)

상위

목록

SEARCH

MENU NAVIGATION