Aristophanes, Wasps, Episode

(아리스토파네스, Wasps, Episode)

οὔτοι ποτὲ ζῶν τοῦτον ἀποδυθήσομαι, ἐπεὶ μόνοσ μ’ ἔσωσε παρατεταγμένον, ὅθ’ ὁ βορέασ ὁ μέγασ ἐπεστρατεύσατο. ἀγαθὸν ἐοίκασ οὐδὲν ἐπιθυμεῖν παθεῖν. μὰ τὸν Δί’ οὐ γὰρ οὐδαμῶσ μοι ξύμφορον. καὶ γὰρ πρότερον ἐπανθρακίδων ἐμπλήμενοσ ἀπέδωκ’ ὀφείλων τῷ κναφεῖ τριώβολον. ἀλλ’ οὖν πεπειράσθω γ’, ἐπειδήπερ γ’ ἅπαξ ἐμοὶ σεαυτὸν παραδέδωκασ εὖ ποιεῖν. τί οὖν κελεύεισ δρᾶν με; τὸν τρίβων’ ἄφεσ, τηνδὶ δὲ χλαῖναν ἀναβαλοῦ τριβωνικῶσ. ἔπειτα παῖδασ χρὴ φυτεύειν καὶ τρέφειν, ὅθ’ οὑτοσί με νῦν ἀποπνῖξαι βούλεται; ἔχ’ ἀναβαλοῦ τηνδὶ λαβὼν καὶ μὴ λάλει. τουτὶ τὸ κακὸν τί ἐστι πρὸσ πάντων θεῶν; οἱ μὲν καλοῦσι Περσίδ’ οἱ δὲ καυνάκην. ἐγὼ δὲ σισύραν ᾠόμην Θυμαιτίδα. κοὐ θαῦμά γ’· ἐσ Σάρδεισ γὰρ οὐκ ἐλήλυθασ. ἔγνωσ γὰρ ἄν· νῦν δ’ οὐχὶ γιγνώσκεισ. ἐγώ; μὰ τὸν Δί’ οὐ τοίνυν· ἀτὰρ δοκεῖ γέ μοι ἐοικέναι μάλιστα Μορύχου σάγματι. οὔκ, ἀλλ’ ἐν Ἐκβατάνοισι ταῦθ’ ὑφαίνεται. ἐν Ἐκβατάνοισι γίγνεται κρόκησ χόλιξ; πόθεν ὦγάθ’; ἀλλὰ τοῦτο τοῖσι βαρβάροισ ὑφαίνεται πολλαῖσ δαπάναισ. αὕτη γέ τοι ἐρίων τάλαντον καταπέπωκε ῥᾳδίωσ. οὔκουν ἐριώλην δῆτ’ ἐχρῆν αὐτὴν καλεῖν δικαιότερον ἢ καυνάκην; ἔχ’ ὦγαθέ, καὶ στῆθ’ ἀναμπισχόμενοσ. οἴμοι δείλαιοσ· ὡσ θερμὸν ἡ μιαρά τί μου κατήρυγεν. οὐκ ἀναβαλεῖ; μὰ Δί’ οὐκ ἔγωγ’. ἀλλ’ ὦγαθέ, εἴπερ γ’ ἀνάγκη, κρίβανόν μ’ ἀμπίσχετε. φέρ’ ἀλλ’ ἐγώ σε περιβαλῶ· σὺ δ’ οὖν ἴθι. παράθου γε μέντοι καὶ κρεάγραν. τιὴ τί δή; ἵν’ ἐξέλῃσ με πρὶν διερρυηκέναι. ἄγε νυν ὑπολύου τὰσ καταράτουσ ἐμβάδασ, τασδὶ δ’ ἀνύσασ ὑπόδυθι τὰσ Λακωνικάσ. ἐγὼ γὰρ ἂν τλαίην ὑποδήσασθαί ποτε ἐχθρῶν παρ’ ἀνδρῶν δυσμενῆ καττύματα; ἔνθεσ ποτ’ ὦ τᾶν κἀπόβαιν’ ἐρρωμένωσ ἐσ τὴν Λακωνικὴν ἀνύσασ. ἀκικεῖσ γέ με ἐσ τὴν πολεμίαν ἀποβιβάζων τὸν πόδα. φέρε καὶ τὸν ἕτερον. μηδαμῶσ τοῦτόν γ’, ἐπεὶ πάνυ μισολάκων αὐτοῦ ’στιν εἷσ τῶν δακτύλων. οὐκ ἔστι παρὰ ταῦτ’ ἄλλα. κακοδαίμων ἐγώ, ὅστισ ἐπὶ γήρωσ χίμετλον οὐδὲν λήψομαι. ἄνυσόν ποθ’ ὑποδησάμενοσ· εἶτα πλουσίωσ ὡδὶ προβὰσ τρυφερόν τι διασαλακώνισον.

상위

Wasps

목록

일치하는 문장이 없습니다.

SEARCH

MENU NAVIGATION